ՆԻՒ ԵՈՐՔ․- Ա․Մ․Ն․ ԱՐԵՒԵԼԵԱՆ ԹԵՄԻ ԱԶԳԱՅԻՆ ԱՌԱՋՆՈՐԴԱՐԱՆԻՆ ՄԷՋ ՏՆՕՐՀՆԷՔ ԵՒ ՍՈՒՐԲ ԾՆՆԴԵԱՆ ՀԻՒՐԱՍԻՐՈՒԹԻՒՆ 

0 0
Read Time:51 Second


Պսակաձեւ Ժահրի պատճառով երկու տարուան դադարէ ետք, Ա․Մ․Ն․ Արեւելեան Թեմի Ազգային Առաջնորդարանը վերսկսաւ հոգելոյս Առաջնորդ՝ Մեսրոպ Արքեպիսկոպոս Աշճեանի հաստատած աւանդութիւնը՝ Սուրբ Ծննդեան հիւրասիրութիւնը եւ Տնօրհնէքը։

Ուրբաթ, Յունուար 6-ին, նախագահութեամբ Առաջնորդ Անուշաւան Սրբազան Դանիէլեանի, տեղի ունեցաւ Տնօրհնէքի արարողութիւնը, զոր մատոյց Սուրբ Լուսաւորիչ Մայր Եկեղեցւոյ հոգեւոր հովիւ՝ Արժպ. Տ. Մեսրոպ Քհն.Լագիսեան, որուն կ՚ընկերանային Գերպ. Տ. Սահակ Ծ. Վրդ. Եմիշեան՝ առաջնորդական փոխանորդ եւ Սրբոց Վարդանանց (Ռիճֆիլտ, Նիւ Ճըրզի) եկեղեցւոյ հոգեւոր հովիւ, Արժպ. Տ. Նարեկ Քհն. Թրթռեան՝ Սուրբ Սարգիս (Տակլըսթըն, Նիւ Եորք) եկեղեցւոյ հոգեւոր հովիւ, Արժպ. Տ. Վահան Քհն. Գույումճեան՝ արտահաս հովիւ, եւ հիւրաբար Նիւ Եորք գտնուող Հոգշ. Տ. Պարոյր Վրդ. Շէրնէզեան՝ Մեծի Տանն Կիլիկիոյ Կաթողիկոսարանի Դպրեվանքի տեսուչ։

Տնօրհնէքէն ետք, Գերշ. Տ. Անուշաւան Արքեպիսկոպոս Դանիէլեան խօսք առաւ ներկաներուն եւ անդրադարձաւ սփիւռքեան կեանքի համընդհանուր վերանորոգման կարեւորութեան՝ Արամ Ա. Կաթողիկոսի հռչակագիրներուն լոյսին տակ, ինչպէս եւ Վեհափառ Հայրապետի յառաջիկայ Հոկտեմբերին եւ Նոյեմբերին հովուապետական այցելութեան մեր Թեմին։ Ան նաեւ շնորհակալութիւն յայտնեց զանացան հիւրերու՝ Առաջնորդարանին եւ ծուխերու հանդէպ ցոյց տուած աջակցութեան եւ նուիրումին համար։

Այնուհետեւ, ներկաները վայելեցին ճոխ հիւրասիրութիւնը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles