“ՅՈՅՍԵՐ“ ԵՐԻՏԱՍԱՐԴԱԿԱՆ ՆՈՒԱԳԱԽՈՒՄԲԻ ԵԼՈՅԹԸ

0 0
Read Time:1 Minute, 34 Second

p14-15houyser  ՅԱԿՈԲ ՎԱՐԴԻՎԱՌԵԱՆ

 

 

Արդէն իսկ Նիւ Եորքահայութեան մօտ իր ժողովրդականութիւնը լայնօրէն կ՚արձագանգուի եւ կը գրաւէ շատերուն սէրն ու համակրութիւնը։  Երկու տարուան մէջ “Յոյսեր“ նուագախումբը, որ առաւելաբար երգացանկով մը հրապարակ կու գայ, հայկական դասականութենէ դէպի էսթրատային ու ազգային ժողովրդական տանող ժամանակաշրջանի, եւ ունի նոստալժի մը մայր գաղութներէն եկող սերունդին մօտ. խորհրդահայ երգերէն մինչեւ մերօրեայ կշռոյթաւորուած երաժշտութիւն մը, որ հաճելի է եւ լսել եւ դիտել։

“Թէքէեան“ Մշակութային Միութեան Նիւ Եորքի “Մհեր Մկրտչեան“ թատերախումբի նախաձեռնութիւնն է Հոկտեմբեր 25, 2014ի համերգը, որովհետեւ խումբին մաս կազմող հիմնադիր-գեղարուեստական ղեկավարը` Յարութ Պարսումեան եւ երգիչը` Տիրան Ճեպեճեան մաս կը կազմեն թատերախումբին։  Համերգը տեղի ունեցաւ Ս. Թովմաս եկեղեցւոյ սրահին մէջ եւ ԹՄՄ հրաւիրած էր եկեղեցւոյ մշակութային յանձնախումբին մաս կազմելու այս նախաձեռնութեան` քաջալերելու համար եկեղեղեցւոյ շրջանակին նորահաս սերունդը սիրելու հայ երաժշտութիւնը։

Այս ելոյթին հանդէս եկան շատ շնորհալի ու տաղանդաւոր երիտասարդ երգչուհի Մարիա Պարսումեան.  բեմական հաճելի ներկայութեան կողքին իր բոլոր երգերուն մէջ կը դնէ իւրայատուկ զգայնութիւն մը, համաձայն երգացանկի պահանջքին։  Եւ այդ կու գայ ինքնաբերաբար, առանց որեւէ դժուարութեան։

Տիանա Վասիլեան, երիտասարդ ջութակահար որպէս ծանօթ անուն մըն է Նիւ Եորքի հայ գաղութին։  Արա Եկորեան կիթառի եւ Րաֆֆի Մասոյեան թմբուկի վրայ յաւելեալ երաժշտական ճոխութիւն մը բերին բեմին, ներդաշնակելով այլապէս Յարութին քիպորտի եւ կիթառի վրայ նուագած ընկերակցութիւնը։  Կային նաեւ խմբային երգեր, որոնք կու տային լաւապէս մարզուած խումբի մը ամբողջական երեւումը։

Յայտագրին առաջին բաժնին մէջ երգուեցան “Այնպէս ուզում եմ“, “Յիշատակներ“, “Մեր սէրը չի ծերանում“, “Եարը մարդուն եարա կու տայ“ եւ “Եթէ իմանայիր“. իսկ երկրորդ բաժինով` “Որտեղ գտնեմ քեզ“, “Ոչ մի խօսք“, “Սարի աղջիկ, “Դու իմ երգն ես“- “Պայծառ արեգակ“ եւ որպէս աւարտ ազգային հայրենասիրական-ֆետայական փունջ մը երգեր, երբ արդէն ներկաները` աւելի քան 250 հոգի յոտնկայս կը մասնակցէին երգեցողութեան։

Գործիքային յայտագրին մէջ կային մի քանի ոչ հայերէն, բայց ծանօթ երաժշտական կտորներ, որոնք յաւելեալ բոյր մը կու տային այլապէս հարուստ յայտագրին։

Այդ երեկոյ բեմ բարձրացաւ նաեւ Կարինէ Պարսումեան` մայրը Յարութին, որ շրջանաւարտ է երաժշտանոցէն եւ իր կարգին` տաղանդաւոր երգչուհի. այդ երեկոյ ինք էր երաժշտական յայտագրին ղեկավարը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles