ՅԱՆԿԵՐԳ … ԵՒ ՄԱՍԱՄԲ ՆՈՐԻՆ

0 0
Read Time:1 Minute, 24 Second

p1 khemp2

  ՀԱՅՐԵՆԻՔ

 

Խմբագրական 

 

 

Ճէյմս Ուորլիքի կատարած Մայիս 7ի յայտարարութիւնը, յար ու նման էր համանուագային խումբի մը այն ելոյթին, որ տասնեակ մը անգամներ կը ներկայացնէր միեւնոյն համանուագը:

Դեռ երաժշտութեան պարագային, թէեւ միեւնոյն կտորն է, որ կը ներկայացուի սակայն եռանգներ ու կշռոյթներ գէտ կրկնուելով, միշտ ալ կենսունակութիւն եւ կայտառութիւն կը ստեղծեն, մինչդեռ Ե.Ա.Հ.Կ.ի Մինսքի խմբակի ամերիկացի համանախագահ Ճէյմս Ուորլիքի յայտարարութիւնը, այդ երաժշտութեան եւ մշակոյթի բնագաւառէն բոլորովին հեռու է եւ քաղաքական միջավայրէն ներս, բոլորովին տարբեր տպաւորութիւն կը ձգէ:…Կրկնութիւններու շա՞րք, թութակաբանութի՞ւն, լեզուամարզա՞նք (lipservice):
Յանկերգ…եւ մասամբ նորին: Այսպէս, Ուորլիքի կատարած վեց կէտերէ բաղկացած յայտարարութիւնները գրեթէ ոչ մէկ նորութիւն կÿընդգրկէին: Ընդհակառակը, Լափալիսեան իրականութիւններու եւ ընդհանուր առմամբ, Արցախի հիմնահարցը ներկայացնող լաւապէս ուսումնասիրուած ու շարադրուած նախադասութիւններ, որոնց մէջ երբեմն կրկնութիւններն ու բառախաղերը ոչ մէկ յառաջխաղացք կÿարձանագրեն, թէ քաղաքական եւ թէ ռազմագիտական բնագաւառներէն ներս:
Հետաքրքրականը այն է թէ Ուորլիք կը շեշտէ, որ ժամանակը հնչած է, կողմերու յանձնառութիւն ստանձնելուն՝ ձեռնամուխ ըլլալու խաղաղութեան բանակցութիւններուն: Այս գծով, ան կը նշէ թէ մերթ ընդ մերթ կատարուող հանդիպումները ինքնին բաւարար են տեւական խաղաղութիւն հաստատելու համար:
Հայորդիին համար, տեղին է նաեւ ընդգծել այլ մանրամասնութիւն մը: Արդարեւ, Ուորլիքի կատարած յայտարարութիւնէն հազիւ չորսհինգ օր ետք, այս անգամ Ֆրանսայի նախագահ Ֆրանսուա Հոլանտն ալ, իր յայտարարութիւններուն մէջ, գրեթէ միեւնոյն յանկերգն է որ արտայայտեց, թէ՛ Պաքուի եւ թէ՛ Երեւանի մէջ:
Մինսքի խմբակի համանախագահները Հայաստանի եւ Ատրպէյճանի միջեւ զինադադարի համաձայնագրի կնքման քսանամեակին առիթով հրապարակեցին յայտարարութիւն մը‘ շրջանի ժողովուրդներուն կոչ ուղղելով յաւելեալ յանուն հաշտութեան գործելու եւ խորհրդածելու վերջին երկու տասնամեակներու ժառանգութեան շուրջ:
Միեւնոյն օրերուն նաեւ, հայորդին տօնեց Շուշիի ազատագրման 22ամեակը…Հայոց Պատմութեան ոսկեայ էջերէն ներս տեղադրուած պատմական յիշարժան թուական մը, երբ Արցախ աշխարհի հինաւուրց բերդաքաղաքը ազատագրուեցաւ հայ ժողովուրդի հերոս զաւակներուն ռազմական բացառիկ սխրանքով։
Յանուն արդարութեան յանկերգ մը…եւ մասամբ նորին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles