Միացեալ Նահանգներ-Իսրայէլ 13 Յունիս 2025-ին Իրանի Վրայ Յարձակումին Բառացի Դիպաշարը Արդէն Գրուած Էր 2009-ին Պրուքինկզ Հիմնարկին Կողմէ

ՅԱՐՈՒԹ ՉԷՔԻՃԵԱՆ

13 Յուլիս 2025

Տը Նիու Աթլաս, եութիուպ քաղաքական վերլուծական կայքէջի գլխաւոր հաղորդավար՝ Պրայըն Պերլեթիքի Brian Berletic, The New Atlas, 22 յունիս 2025-ի նիւթն էր. «Միացեալ  Նահանգներ կը ռմբակոծէ Իրանը՝ պատերազմական վտանգաւոր արարքով, իր կողմէ թոյլատրուած Իսրայէլի յարձակումէն ետք» (1): Պրայընի մասնագիտութիւնն է բոլոր համացանցը պրպտել, յատկապէս՝ գտնելու համար օրուան նիւթին կապակցութեամբ աշխարհի զանազան թերթերու եւ մանաւանդ ռազմավարական հետախուզական հիմնարկներու կողմէ պատրաստուած տեղեկագրեր եւ ուսումնասիրութիւններ:

Advertisement

Պրուքինկզ հիմնարկի 20 յունիս 2009-ի 170 էջ ուսումնասիրութիւնը, թէ՝ ի՛նչ պէտք է ըլլայ Իրանի դէմ Ամերիկայի մարտավարութիւնը եւ ինը գլուխ նիւթերուն պերճախօս ցանկը:

            Ահա այդ ծիրին մէջ Պրայըն ներկայացուց Պրուքինկզ հիմնարկի 20 յունիս 2009-ի 170 էջ ուսումնասիրութիւնը (2), (3) թէ՝ ի՛նչ պէտք է ըլլայ Իրանի դէմ Ամերիկայի մարտավարութիւնը, որ անհաւատալիօրէն, կէտ առ կէտ գործադրուեցաւ, նո՛յնիսկ՝ Իրանը խափել բանակցութիւններով, որուն ընթացքին մղել Իսրայէլը, որ Իրանը ռմբակոծէ… Եւ ճիշդ այդպէս սկսաւ 13 յունիս 2025-ի Իսրայէլի յարձակումը Իրանի վրայ, մինչ՝ բանակցութեան յաջորդ նիստը 15 յունիսին էր, եւ Իսրայէլ սպաննեց Իրանի գլխաւոր բանագնացը իր տան մէջ, իր ընտանիքին հետ:

          Գիրքը կը սկսի Ուրացումով մը Disclaimer, ուր նշուած է, որ ուսումնասիրութիւնը վեց հեղինակներուն հաւաքական տեսակէտն է եւ թէ՝ «Բոլոր արտայայտուած փաստերը, կարծիքները կամ վերլուծումները հեղինակներունն են եւ չեն արտացոլեր Սի Այ Էյ-ի կամ ՄՆ-ու որեւէ այլ պետական գործակալութեան պաշտօնական դիրքորոշումները կամ տեսակէտները։ Ապա կը նշէ, որ կեդրոնական հետախուզական հիմնարկը՝ Սի Այ Էյ-ը «այս նիւթը ստուգած է ՝ կանխելու համար որեւէ գաղտնի տեղեկութեան բացայայտումը։

1. https://www.youtube.com/watch?v=-tVIgtOAs18
2. https://www.brookings.edu/events/which-path-to-persia-options-for-a-new-american-strategy-toward-iran/
3. https://www.brookings.edu/wp-content/uploads/2016/06/06_iran_strategy.pdf