Միացեալ Նահանգներու Մօտ Հայաստանի Դեսպան Գրիգոր Յովհաննիսեան Այցելեց Պոսթըն

0 0
Read Time:42 Second

all-armenia
ՊՈՍԹԸՆ.- Կիրակի, Նոյեմբեր 13-ին, Միացեալ Նահանգներու մօտ Հայաստանի դեսպան Գրիգոր Յովհաննիսեան այցելեց Մասաչուսէց: Անոր կ՛ընկերակցէին «Հայաստան» համահայկական հիմնադրամի նախագահ՝ Մարի Մեհրանեան եւ գործադիր տնօրէն՝ Սարգիս Գոթանճեան:
Դեսպան Յովհաննիսեան այցելեց Քէյմպրիճի Ամենայն Հայոց Սուրբ Երրորդութիւն եկեղեցի, ուր ներկայ եղաւ Կիրակնօրեայ պատարագին, եւ ծանօթացաւ հոգաբարձու կազմին:
Ապա տեղի ունեցաւ տեսակցութիւն շրջանի գաղութի ներկայացուցիչներուն հետ: Ան շնորհակալութիւն յայտնեց Պոսթընի գաղութին, որ անցեալ Մարտին, դիմաւորած էր նախագահ Սերժ Սարգսեանը: Դեսպանը նաեւ շնորհակալութիւն յայտնեց Հայաստանի Հանրապետութեան 25-ամեակին առթիւ, կատարուած աջակցութեան: Նաեւ, մանրամասն տեղեկութիւններ փոխանցուեցաւ «Հայաստան» համահայկական հիմնադրամի մասին: Այս առթիւ խօսք առին հիմնադրամի նախագահ՝ Մարի Մեհրանեան եւ գործադիր տնօրէն՝ Սարգիս Գոթանճեան, որոնք յաւելեալ բացատրութիւններ տուին, տեղեկացնելով թէ «Հայաստան» համահայկական հիմնադրամը՝ զուգահեռ իր ենթակառուցուածքային ծրագիրներուն՝ կ՛իրականացնէ նաեւ ընկերային աջակցութեան ծրագիրներ: Կատարուեցաւ հարց-պատասխան, իսկ աւարտին տեղի ունեցաւ հիւրասիրութիւն՝ «Բաբգէն Սիւնի» ակումբին մէջ: Անգամ մը եւս, դեսպան Գրիգոր Յովհաննիսեան իր խորին շնորհակալութիւնները յայտնեց գաղութին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՆԻՒ ՃԸՐԶԻ.- ՀՐԱՊԱՐԱԿԱՅԻՆ ԴԱՍԱԽՕՍՈՒԹԻՒՆ՝ ՀԱԼԷՊԸ ԱՅՍՕՐ ԵՒ ՎԱՂԸ
Next post Նիւ Ճըրզի.- «Համազգային»ի Մանկամսուրի Բացման Տօնակատարութիւնը

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles