ՄԱՄԼՈՅ ՀԱՂՈՐԴԱԳՐՈՒԹԻՒՆ

0 0
Read Time:2 Minute, 12 Second

tashnag-

Օգոստոսի 24-ից 26-ը Երեւանում տեղի ունեցաւ ՀՅԴ մարմինների ներկայացուցիչների ընդլայնուած խորհրդաժողով: Համահայկական այս միջոցառմանը մասնակցում էին Հայրենիքի եւ Արտերկրի կուսակցական մարմինների եւ շրջանների ներկայացուցիչներ եւ հրաւիրեալներ: ՀՅԴ Բիւրոյի նախաձեռնած միջոցառման նպատակն էր քննել կազմակերպական խնդիրներ, հայաստանամերձ տարածաշրջանի կացութիւնը, ՀՀ ներքին քաղաքական վիճակը, Հայաստան-Սփիւռք յարաբերութիւնների հարցեր:

Խորհրդաժողովն անդրադարձաւ հայութեան եւ հայոց պետականութեան առջեւ ծառացած խնդիրներին եւ նոր մարտահրաւէրներին:

Շեշտուեց որ իր օրակարգային հիմնահարցերին համարժէքօրէն արձագանքելու համար ՀՅ Դաշնակցութիւնը պէտք է ներդնի յաւելեալ ջանքեր` հանդէս գայ համակուսակցական ամբողջական ներուժով:

Խորհրդաժողովը արձանագրեց, որ կազմակերպական հարցերի լուծման հիմնական միջոցը գործն է:

Նոր ժամանակներին եւ իրողութիւններին համաքայլ ընթանալու համար անհրաժեշտ է շարունակաբար յստակեցնել մարտավարական անելիքները, առաւել ճկուն եւ արդիւնաւէտ դարձնել գործելաոճը, առաւել արդիւնաւէտ կիրառել ժամանակակից տեխնոլոգիական հնարաւորութիւնները:

Քննելով Հայաստանի ներքաղաքական, սոցիալ-տնտեսական եւ բարոյա-հոգեբանական վիճակը, խորհրդաժողովը մատնանշեց մի շարք բացասական երեւոյթներ, որոնք մտահոգիչ են հայոց պետականութեան համար: Շեշտուեց մասնաւորապէս արտագաղթի խնդիրը, որն ազգային անվտանգութեանը սպառնացող հիմնահարց է: Այս գործընթացը կասեցնելու համար անհրաժեշտ նկատուեց, որ պետութիւնը որդեգրի արտագաղթի պատճառները վերացնող սոցիալ-տնտեսական եւ այլ բնոյթի համալիր ծրագիր: ՀՅԴ Հայաստանի կազմակերպութիւնը մշակել է նման ծրագրի համար իր առաջարկների փաթեթը, որը կը ներկայացուի հանրութեանը:

Քննելով Հայաստանամերձ տարածաշրջանի կացութիւնը, խորհրդաժողովը հաստատեց.

– Տարածաշրջանում տեղի են ունենում բախտորոշ գործընթացներ, որոնք յանգեցնելու են գլոբալ փոփոխութիւնների: Այս փոփոխութիւններին ենթակայ է նաեւ հարաւկովկասեան շրջանը` նոր մարտահրաւէրների առջեւ կանգնեցնելով մեր երկիրը:

– Հայաստանի որդեգրած արտաքին քաղաքականութիւնը ներկայումս ենթակայ է փորձութեան: Մեր պետականութիւնը գտնւում է Ռուսաստանի եւ Արեւմուտքի միջեւ նոր հաւասարակշռութեան կայացման շեմին:
– Առկայ մարտահրաւէրները դիմագրաւելու համար, Հայաստանի Հանրապետութիւնը պէտք է ամրապնդուի ներքնապէս, միատեղի համայն հայութեան ներուժը, յստակեցնի եւ վարի նպատակային ու ակտիւ արտաքին քաղաքականութիւն:
– Խորհրդաժողովը արձանագրեց, որ ՀՅԴ-ն չի հանդուրժի որեւէ ոտնձգութիւն ԼՂՀ պետականութեան եւ բնակչութեան անվտանգութեան դէմ: Այս տեսանկիւնից կարեւոր է ԼՂՀ միջազգային ճանաչման գործընթացին նոր թափ տալը:
– Ցեղասպանութեան 100-րդ տարելիցը առիթ պէտք է ծառայի ուժեղացնելու Հայ Դատի ուղղութեամբ իրականացուող աշխատանքները, բանաձեւելու նոր հանգրուանի շեմին հայութեան պահանջատիրական թիրախները եւ ընդլայնելու Հայ Դատի ուղղութեամբ տարուող աշխատանքների բովանդակութիւնն ու աշխարհագրութիւնը:
– Կարեւորելով քաղաքական փոխ-յարաբերութիւնների առաջնահերթութիւնները, Հայաստանը պէտք է ձգտի բազմակողմ տնտեսական-քաղաքական կապերի` ապահովելով իր համար անկախ քաղաքականութեան երաշխիքներ:

Խորհրդաժողովը քննարկեց Միջին Արեւելքի երկրներում տեղի ունեցող զարգացումներն ու տեղի հայութեան եւ ի մասնաւորի սիրիահայութեան վերաբերող հարցերը: Սիրիահայութեան խնդիրը, պետական, ազգային եւ կուսակցական առումով մեզ համար մնում է հիմնական առաջնահերթութիւն: Սիրիահայութեան նիւթական ու տնտեսական ծանր կացութիւնը թելադրում է օժանդակութեան ապահովման խնդիրը դիտել որպէս ամենօրեայ եւ տեւական աշխատանք: Միաժամանակ հայութեան վտանգուած հատուածի բազմակողմ հիմնահարցերը լուծելու նպատակով անհրաժեշտ է թափ հաղորդել երկրների կառավարութիւնների եւ միջազգային կազմակերպութիւնների հետ աշխատանքին:

Հայաստանի ու Սփիւռքի ամբողջական համարկումը տեւական գործընթաց է, որ կարելի է անխոչընդոտ առաջ տանել կենտրոնանալով դրական ձեռքբերումների եւ երկուստեք յստակեցուած թիրախների վրայ:

Խորհրդաժողովը հաստատեց, որ Հայութեանը ու Հայաստանին ծառայութեան համար կուսակցութեան հզօրացումը Հարենիքում եւ Սփիւռքում մնում է առաջնահերթութիւն, որի ուղղությամբ անհրաժեշտ է ձեռնարկել համապատասխան քայլեր:

 

Օգսոտոսի 26, 2013

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles