Հ.Օ.Մ.-Ի 4-ՐԴ ՆԱՒԱՊՏՈՅՏ

0 0
Read Time:2 Minute, 54 Second

 

Հ.Օ.Մ.ի 4րդ Նաւապտոյտի մասնակիցները
Հ.Օ.Մ.ի 4րդ Նաւապտոյտի մասնակիցները

Հայ Օգնութեան Միութեան միջազգային 4-րդ Նաւապտոյտը տեղի ունեցաւ Յուլիս 3-15, 2014, մասնակցութեամբ աւելի քան 230 Հ.Օ.Մ.-ականներու եւ համակիրներու:

Հ.Օ.Մ.-ի 2014-ի նաւապտոյտը սկիզբ առաւ Իտալիոյ Վենետիկ քաղաքէն, ուր ճամբորդները առիթը ունեցան այցելելու Սուրբ Ղազար կղզին եւ վանքը: Աբբահայր Եղիա Քիլաղպեանն ու Սուրբ Ղազար վանքի հայրերը ընդունեցին մասնակիցները, որոնք շրջագայելով հարուստ պատմութիւն կրող թանգարանն ու մատենադարանը, մօտէն ծանօթացան վանքի բազմադարեան պատմութեան: Այցելութեան աւարտին, Աբբահայրը բարձր գնահատեց, Հ.Օ.Մ.-ի նախաձեռնութեամբ կազմակերպուած, մեծ թիւով հայրենակիցներու այցելութիւնը՝ հայկական պատմութեան մէջ գլխաւոր դեր ունեցող Սուրբ Ղազար կղզին:
Տասնըերկու օրուան ընթացքին ճամբորդները այցելեցին Միջերկրականի ափին գտնուող զանազան գեղատեսիլ վայրեր եւ քաղաքներ՝ Քոբէր (Սլովէնիա), Ռավէնա, Պարի, Նափոլի (Իտալիա), Սփլիթ եւ Տուպրովնիք (Խրուաթիա), Քոթոր (Մոնթենեկրօ), Վալեթ (Մալթա), եւ Քաթանիա (Սիկիլիա):
Նաւապտոյտին ընթացքին Հ.Օ.Մ.-ի կողմէ կազմակերպուած էին զանազան ձեռնարկներ եւ ելոյթներ: Հայկական խրախճանքի, հայրենասիրական, եւ ժողովրդական երգերու երեկոները ճոխացուցին հանրածանօթ երգիչներ՝ Հրաչ Կայծակեան եւ Շաքէ Պաղտասարեան եւ երաժիշտ՝ Սեդօ Պաղտասարեանը:
Հ.Օ.Մ.-ի կողմէ կազմակերպուած “Անգլիական Թեյասեղան“ին հրաւիրուած էին բոլոր տիկինները, որոնք ներկայացան շքեղ գլխարկներով:

“Հ.Օ.Մ.ի Օր“ուան առթիւ, Կեդրոնական Վարչութեան ներկայացուցիչ՝ Սօնա Աքէլեան փոխանցեց օրուան խօսքը: Աքէլեան բարիգալուստ մաղթելով ներկաներուն եւ ներկայացնելով Հ.Օ.Մ.ի ծրագիրները, ըսաւ. “…այս աշխատանքները Հ.Օ.Մ.ը կարողացած է յաջողութեամբ պսակել շնորհիւ իր Հ.Օ.Մ.ականներու նուիրեալ ջանքերով եւ իր անհամար համակիրներուն եւ բարերարներուն առատաձեռն ու շարունակական հոգածութեան: …Կեդրոնական վարչութեան անունով, կու գամ իմ երախտագիտութիւնս յայտնելու բոլոր մեր նուիրատուներուն, որոնք թիկունք կը կանգնին մեր Միութեան, պատերազմական դաժան այս պայմաններուն մէջ ապրող մեր հայրենակիցներուն հասնելու համար“:
Կազմակերպուած էր նաեւ զոյգ դասախօսութիւն՝ Արցախի եւ Հայաստանի մէջ ներդրումի թեմայով, որոնք ներկայացուեցան Լիբանանէն՝ Ռաֆֆի Սէմէրճեանի եւ Ստեփան Տէր Պետրոսեանի կողմէ:

Մասնակիցները կ՛այցելեն Սուրբ Ղազար վանքը
Մասնակիցները կ՛այցելեն Սուրբ Ղազար վանքը

Յուլիս 15-ին նաւապտոյտը վերջ գտաւ Իտալիոյ մայրաքաղաք՝ Հռոմի մէջ: Տեղական զբօսաշրջիկային ընկերութեան հետ նախապէս կատարուած կարգադրութեան համաձայն, մեծ թիւով մասնակիցներ շրջագայեցան յաւիտենական քաղաքին տեսարժան եւ հանրածանօթ վայրերը եւ ծանօթացան անոր պատմութեան:

Ճամբորդները կը վայելեն Վալեթ քաղաքը
Ճամբորդները կը վայելեն Վալեթ քաղաքը

Ի պատիւ Հ.Օ.Մ.ի Նաւապտոյտի պատասխանատու ընկերուհիին եւ յանձնախումբի ժրաջան աշխատանքին, Հ.Օ.Մ.ի 4րդ նաւապտոյտը յաջողութեամբ համախմբեց բոլոր ցամաքամասերէն Հ.Օ.Մ.ուհիներ եւ համակիրներ:
Եւրոպայէն մասնակից մը կը գրէ՝ “Շնորհակալութիւն, ամէն ինչ շատ լաւ կազմակերպուած էր եւ հիանալի աշխատանք տարուած Հ.Օ.Մ.ին կողմէ:

Նաւապտոյտի մասնակիցները Տուպրովնիք այցելութեան ընթացքին
Նաւապտոյտի մասնակիցները Տուպրովնիք այցելութեան ընթացքին

Շատ լաւ ժամանակ անցուցինք եւ յոյսով ենք, որ յաջորդ նաւապտոյտին դարձեալ կը տեսնուինք“:
“Իսկապէս յիշատակելի օրեր անցուցինք միասնաբար, Հ.Օ.Մ.ի շնորհիւ: Վարձքերնիդ կատա՛ր“ կ՛ըսէ Աւստրալիայէն ճամբորդ մը:
Կը շնորհաւորեմ այս յաջող նաւապտոյտին առիթով… շատ հաճելի ժամանակ անցուցինք …վարձքերնիդ կատա՛ր“ կը նշէ Գանատայէն մասնակից մը:
Գալիֆորնիայէն մասնակից մը կը գրէ՝ “Բոլո՛րս ալ շատ հաճելի եւ յիշատակելի 12 օրեր անցուցինք մեր բարեկամներուն եւ ընկերուհիներուն հետ: Անհամբեր կը սպասենք յաջորդ նաւապտոյտին: Ինչպէս միշտ,շա՛տ լաւ աշխատանք տարուած էր“:
Հ.Օ.Մ.ի Նաւապտոյտի պատասխանատու՝ Շաքէ Պասմաճեան կը նշէ.- “Երախտապարտ եմ բոլոր ճամբորդներուն, որոնք մասնակցեցան Հ.Օ.Մ.ի Նաւապտոյտին եւ յիշատակելի օրեր անցուցին: Անոնք Հ.Օ.Մ.ի կեանքին մաս կազմեցին, գիտակցելով, թէ այս նաւապտոյտի հասոյթը պիտի տրամադրուի մարդասիրական ծրագիրներու՝ Հայաստանի, Արցախի, Ջաւախքի եւ Սփիւռքի մէջ: Այս դժուարին օրերուն, Հ.Օ.Մ.ը կարիքը ունի աշխարհի չորս ծագերուն գտնուող բոլո՛ր հայերուն…“:
Տաքուկ հայկական ճոխ մթնոլորտի մէջ, ճամբորդները առիթը ունեցան նոր ծանօթութիւններ կերտելու եւ վերակենդանացնելու հին բարեկամութիւններ:
Մինչ նոր հանդիպում…

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles