Հ.Օ.Մ.-Ի ՄԻՋ-ՎԱՐՉԱԿԱՆ Բ. ժՈՂՈՎ՝ ԼՈՆՏՈՆԻ ՄԷՋ

0 0
Read Time:2 Minute, 45 Second
Հայ Օգնութեան Միութեան Կեդրոնական վարչութեան եւ մեկուսի ու շրջանային վարչութիւններու անդամները Լոնտոնի ``Նաւասարդեան`` Հայ Կեդրոնէն ներս:
Հայ Օգնութեան Միութեան Կեդրոնական վարչութեան եւ մեկուսի ու շրջանային վարչութիւններու անդամները Լոնտոնի “Նաւասարդեան“ Հայ Կեդրոնէն ներս:

Հայ Օգնութեան Միութեան Կեդրոնական վարչութեան եւ Մեծն Բրիտանիոյ Հ.Օ.Մ.ի մասնաճիւղի կազմակերպութեամբ, Հոկտեմբեր 18-19, 2014-ին տեղի ունեցաւ Հ.Օ.Մ.ի միջ-վարչական երկրորդ ժողովը՝ Լոնտոնի “Նաւասարդեան“ Հայ Կեդրոնէն ներս:
Միջ-վարչական ժողովը կայացաւ Հ.Օ.Մ.-ի Մեծն Բրիտանիոյ, Ֆրանսայի, Սթոքհոլմի, Կիպրոսի, Պուլկարիոյ եւ Լիբանանի Շրջանային եւ մեկուսի վարչութիւններու եւ անդամ ընկերուհիներու ներկայութեամբ, ինչպէս նաեւ Հ.Օ.Մ.-ի Կեդրոնական վարչութեան անդամուհիներու եւ Հ.Յ.Դ.ի Անգլիոյ ներկայացուցիչներու:
Երկօրեայ ժողովը բացուեցաւ Հ.Օ.Մ.ի քայլերգի երգեցողութեամբ, որմէ ետք Հ.Օ.Մ.-ի Մեծն Բրիտանիոյ մասնաճիւղի ատենապետուհի՝ Ժանէթ Մարտիրոսեան բարի գալուստ մաղթեց բոլոր ներկաներուն: Ժողովի բացմանը Հ.Յ.Դ.-ի պատգամը ներկաներուն փոխանցեց՝ Դոկտ. Հրաչ Պօղոսեանը:
Հ.Օ.Մ.-ի Կեդրոնական վարչութեան ատենապետուհի՝ Վիգի Մարաշլեան եւ Կ.Վ. անդամներ Ալեսիա Բեջանեան եւ Լիզա Աւագեան ներկայացուցին Հ.Օ.Մ.ի համահայկական ծրագիրները եւ կազմակերպութեան գործունէութիւնը։ Իսկ համացանցի միջոցաւ կապ հաստատուեցաւ Հ.Օ.Մ.ի Կեդրոնական վարչութեան յանձնախումբերու ատենապետուհիներուն հետ, որոնք ներկաներուն զեկուցեցին Հ.Օ.Մ.ի Մ.Ա.Կ.ի, Ռազմավարական Ծրագրումի եւ Դրամահաւաքի յանձնախումբերուն աշխատանքներուն մասին:
Առաւելաբար, Հալէպէն կապ հաստատեց Կեդրոնական վարչութեան անդամ՝ Զեփիւռ Է. Րէիսեան, որ զեկուցեց Սուրիոյ նոր մարտահրաւէրներուն եւ երկրին կենցաղային դժուարութիւններուն մասին, կեդրոնանալով Հ.Օ.Մ.ի տարած օժանդակութեան աշխատանքներուն վրայ:

Հայ Օգնութեան Միութեան Կեդրոնական վարչութեան ներկայացուցիչներ եւ Մեծն Բրիտանիոյ, Պուլկարիոյ, Սթոքհոլմի, Կիպրոսի, Ֆրանսայի եւ Լիբանանի Հ.Օ.Մ.ի Մեկուսի եւ Շրջանային վարչութիւններն ու անդամները մասնակցեցան Հ.Օ.Մ.-ի միջ-վարչական երկրորդ ժողովին՝ Լոնտոնի մէջ:
Հայ Օգնութեան Միութեան Կեդրոնական վարչութեան ներկայացուցիչներ եւ Մեծն Բրիտանիոյ, Պուլկարիոյ, Սթոքհոլմի, Կիպրոսի, Ֆրանսայի եւ Լիբանանի Հ.Օ.Մ.ի Մեկուսի եւ Շրջանային վարչութիւններն ու անդամները մասնակցեցան Հ.Օ.Մ.-ի միջ-վարչական երկրորդ ժողովին՝ Լոնտոնի մէջ:

Ներկաներուն առիթ տրուեցաւ հարցումներու եւ իրենց մտահոգութիւնները արտայայտելու: Ապա, իւրաքանչիւր Հ.Օ.Մ.ի միաւոր ներկայացուց իր շրջանի գործունէութեան տեղեկագիրը, ինչպէս նաեւ անդրադարձաւ տեղական յաջողութիւններուն, հարցերուն, եւ մարտահրաւէրներուն:
Ժողովը կեդրոնացաւ յատկապէս Եւրոպա հաստատուած Սուրիահայ գաղթականներու հիմնախնդրին վրայ: Ներկաները նաեւ արտայայտեցին իրենց մտահոգութիւնները եւ ներկայացուցին առաջարկներ՝ Հ.Օ.Մ.ի շարքերը երիտասարդականացնելու գծով:
Շաբաթ երեկոյեան, տեղի ունեցաւ հիւրասիրութիւն Տէր եւ Տիկին Ատոմ եւ Սելլա Թընճուքեաններուն բնակարանէն ներս: Իսկ Կիրակի, Հոկտեմբեր 19, 2014-ին նշուեցաւ Մեծն Բրիտանիոյ Հ.Օ.Մ.ի Մեկուսի մասնաճիւղի 32-ամեակը:
Ձեռնարկին բացումը կատարեց Բրիտանիոյ Հ.Օ.Մ.ի վարչութեան անդամ՝ ժագլին Գարանֆիլեան, որուն յաջորդեց մասնաճիւղի ատենապետուհին՝ Ժանէթ Մարտիրոսեան եւ իր պատգամը փոխանցեց հիւրերուն։
Մասնաճիւղին տօնակատարութեան առթիւ, Հայ Օգնութեան Միութեան Կեդրոնական Վարչութեան կողմէ խօսք առաւ Կեդրոնական Վարչութեան ատենապետուհի՝ Վիգի Մարաշլեանը։ Ծայրագոյն Վարդապետ՝ Հայր Արէն Շահինեանը իր խօսքին մէջ անդրադարձաւ հայ Կնոջ դերին մասին եւ շնորհաւորեց Հ.Օ.Մ.ի մասնաճիւղը այս ուրախ առիթով։ Ձեռնարկին ներկայ էր նաեւ Հայաստանի Հանրապետութեան դեսպանատան խորհրդական՝ Պրն. Արա Մարգարեան։ Պրն. Մարգարեան իր շնորհաւորական խօսքերով բարձր գնահատեց Հ.Օ.Մ.ի աշխատանքը։ Լոնտոնի Իլինկ շրջանի երեսփոխան՝ Տիար Սթիվըն Փաունտը եւ ան իր քաջալերական խօսքը փոխանցեց Հայ Օգնութեան Միութեան եւ համայնքի բոլոր ներկայացուցիչներուն:
Անդրադառնալով Եւրոպայի մէջ կայացած միջ-վարչական ժողովին, Հայ Օգնութեան Միութեան Կեդրոնական վարչութեան ատենապետուհի՝ Վիգի Մարաշլեան ըսաւ. “Հ.Օ.Մ.ի միջ-վարչական երկրորդ ժողովը ընթացաւ յաջողութեամբ, որուն ընթացքին Հայ Օգնութեան Միութեան շրջանային եւ մեկուսի վարչութիւններու անդամներուն ներդրումով կարելի եղաւ թարմացնել շրջաններուն միջեւ համագործակցութեան ոգին, մշակել նոր գաղափարներ արդի միջոցներով իրականացնելու համար Հ.Օ.Մ.ի համա-հայկական ծրագիրները: Այս ժողովը իւրայատուկ կարեւորութեամբ անդրադարձաւ Սուրիահայութիւնը յուզող հարցերուն եւ Հայոց Ցեղասպանութեան 100ամեակին առթիւ ծրագրուած Հ.Օ.Մ.ի ձեռնարկներուն: Ներկաները մեծ խանդավառութեամբ եւ նոր շունչով կը վերադառնան իրենց շրջանները“:

 

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles