Հ.Օ.Մ.-ի Ձեռնարկ՝ Ֆլորիտայի Մէջ

0 0
Read Time:1 Minute, 51 Second

???????????????????????????????
Հայ Օգնութեան Միութեան Ֆլորիտայի «Սօսէ» մասնաճիւղին համար Դեկտեմբեր 5, 2014-ը եղաւ յիշատակելի օր։
«Սօսէ» մասնաճիւղը հրաւիրած էր Շրջանային Վարչութեան Ատենապետուհին` Թալին Տաղլեան եւ Թալին Մկրտիչեան։ Անոնք եկած էին ներկայացնելու Հ.Օ.Մ.-ի ընկերուհիներուն, գաղութի համակիրներուն ու բարեկամներուն կազմակերպութեան 100 ամեայ բարեսիրական, մարդասիրական, եւ ազգային բոլոր աշխատանքներուն մասին, Սփիւռքի, Մայր հայրենիքի, եւ Արցախի տարածքին։
Մէյրի Անտոնեան, «Սօսէ» Մասնաճիւղի Ատենապետուհին բացման խօսք առնելով, շնորհակալութիւն յայտնեց ներկաներուն, որոնք քաջալերեցին այսօրուան ձեռնարկը։???????????????????????????????
Ան հրաւիրեց օրուան հանդիսավար Վազգէն Լախոյեանը, որը շնորհակալութիւն յայտնեց Շրջանային Վարչութեան անդամներուն մասնաճիւղի այցելութեան ու այս գաղութային ձեռնարկին։ Լախոյեան շնորհակալութիւն յայտնեց Հայ կնոջական կազմակերպութեան որ մնաց կանգուն իր առաքելութեան մէջ։ Ապա բեմ հրաւիրեց Թալին Տաղլեանը տալու իր խօսքը։ Տաղլեան շնորհակալութիւն յայտնեց Ֆլորիտա Հ.Օ.Մ.-ի Սօսէ մասնաճիւղին, Հայ կեդրոնի յանյնախումբին եւ ներկաներուն այս ուրախ առիթին համար։
Տաղլեան ամփոփ գիծերու մէջ ներկայացուց Հ.Օ.Մ.-ի տարած աշխատանքները Ամերիկայի շրջանին մէջ, Մայր Հայաստանին, Արցախին, Ջաւախքին ու Սուրիոյ Հ.Օ.Մ.-ի ծրագիրներուն։
Տեսաերիզի վրայ ցոյց տրուեցաւ Արցախի Մանկապարտէզներուն արօրեայ կեանքը, Հ.Օ.Մ.-ի Մօր ու Մանկան Կեդրոնի նորածիններու նկարները, որոնք ուրախութեան արցունքներ բերին ներկաներուն աչքերէն։ Արցախի մէջ Հ.Օ.Մ.-ը ունի 9 Մանկապարտէզներ, որոնք վերջին 20 տարիներուն ընթացքին հովանաւորուած են Հ.Օ.Մ.-ի միաւորներու ու բարերարներու կողմէ։
Հ.Օ.Մ.-ի Մօր ու Մանկան Բժշկական Կեդրոնն ու Ծննդատունը վերջին 4 տարիներուն աւելի քան 4000 հայ մանուկներու ծննդատունն եղած է։???????????????????????????????
Ապա բեմ հրաւիրուեցաւ Սօսէ մասնաճիւղի անդամ Անժէլ Մանուկեանը։ Ան նոր վերադարձած էր մայր հայրենիքէն, մասնակցած էր Սփիւռքի Հայ Նախարարութեան կողմէ կազմակերպուած 5-րդ խորհրդաժողովին։
Մանուկեան գնահատանքի խօսք ունէր սփիւռքի նախարարութեան այս խորհրդաժողովի կազմակերպութեան առթիւ, ուր սփիւռք ու հայրենիք կը շաղախուին որպէս մէկ ազգ ու մէկ ժողովուրդ, լսելու ու բարելաւելու աշխարհասփիւռս հայ ժողովուրդի տարբեր պահանջները, Ի մասնաւորի Հայոց Ցեղասպանութեան 100-ամեակի սեմին ու Սուրիահայութեան ներկայ տագնապալի վիճակին մասին։
Ան նաեւ անդրադարձաւ Արցախի մանկապարտէզներու դերը այդ շրջաններուն մէջ։ Մանկապարտէզի մատղաշ սերունդի ապագայ ջահակիրներն են, որոնք տէր պիտի կանգնին հայրենիքին։
Մանուկեան այցելած էր Արցախի սահմանամերձ գիւղերը։ Այցելած էր Սուրիահայ ընտանիքներու որոնք եկած էին հաստատուելու Հայրենիք ու շարունակելու իրենց կեանքը։
Ձեռնարկի աւարտին, Մէյրի Անտոնեան բեմ հրաւիրեց նորանդամ ընկերուհիներ Ալիք Մազմանեան եւ Թամար Գասարճեան, որոնք արդէն իրենց ուխտը կատարած էին ծառայելու Հայ Օգնութեան Միութեան։ Թալին Տաղլեան պատուեց նորանդամ ընկերուհիները Հ.Օ.Մ.-ի կրծքաքնդասեղով։
Հ.Օ.Մ.-ի երթը կը շարունակուի։

Թղթակից

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles