Հ.Օ.Մ.ի Կեդրոնական Վարչութեան Նախկին Ատենապետուհի՝ Վանուհի Իսաճանեան Կ՛արժանանայ Հ.Հ. Երախտագիտութեան Մետալին

Հայաստանի Հանրապետութեան Անկախութեան 25-ամեակին առթիւ, Սեպտեմբեր 17-ին, Հայաստանի Հանրապետութեան նախագահ՝ Սերժ Սարգսեանի հրամանագրով, Հայ Օգնութեան Միութեան Կեդրոնական Վարչութեան նախկին ատենապետուհի՝ Վանուհի Իսաճանեանը պարգեւատրուեցաւ Երախտագիտութեան մետալով։
Ընկերուհի Իսաճանեանին ներդրումը յատկանշական եղաւ Հայաստան-Սփիւռք յարաբերութիւններու դժուարին ժամանակաշրջանի մը ընթացքին, յառաջացնելով Հայաստան-Սփիւռք խորհրդաժողովներու գաղափարը եւ ըլլալով առաջին կազմակերպիչը այդ աշխատանքներուն ուղղութեամբ։ Ընկերուհին, մեծ դեր ունեցաւ 1988ի երկրաշարժին յաջորդող տարիներու անմիջական պահանջներուն համեմատ Հ.Օ.Մ.ի տարած աշխատանքներուն յաջող արդիւնաւորման։