Հ.Յ.Դ. ՃԱՄԲԱՐՆԵՐԸ ՈՐՊԷՍ ԿԱՄՈՒՐՋ ՀԱՅՐԵՆԻՔԻ ԵՒ ՍՓԻՒՌՔԻ ՄԻՋԵՒ

ԼՈՒՍԻՆԷ ԹԵՒՈՍԵԱՆ Հ.Յ.Դ.-ի կողմից իրականացուող երիտ-պատանեկան ճամբար-բանակումների ծրագիրը, որ մեկնարկել է 1993 թուականից, երբ Արցախում պատերազմը դեռ աւարտուած չէր: Ճամբարների կազմակերպման առաջին տարիների հիմնական նպատակն էր Արցախի պատանիների համար հետաքրքիր առօրեայի ապահովումը: Հ.Յ.Դ. կառոյցների կողմից կազմակերպած առաջին պատանեկան բանակումը` սկաուտական անուան տակ, կայացել է Oգոստոս 1994¬ին, Մարտունու շրջանի Աշան գիւղում, իսկ առաջին երիտասարդական բանակումը` Մայիս-Յունիս 1993¬ի ամիսներին` Աշանի ,Աբունց չափարե տեղամասում: Աշան գիւղում ճամբարները կազմակերպուել են նաեւ 1994 թուականի Յուլիս ամսին` Արտեմիս Գրիգորեանի, Ալինա Խաչատուր-Մովսիսեանի եւ Արամ Ֆրանկեանի պատասխանատուութեամբ: 1994-ին Իրանից Արցախ եկաւ կուսակցական ընկեր Վարուժը, որ Պատարա գիւղի դպրոցի տնօրէն, Հ.Յ.Դ. անդամ Ռիտա Մնացականեանի եւ Կարէն Արզումանեանի հետ քննարկեց բանակումներ կազմակերպելու հարցը: Եւ արդէն 1994 թուականի Դեկտեմբերին պատանեկան բանակում կայացաւ նաեւ Պատարա գիւղի դպրոցում: Բանակումին հիմնականում մասնակցում էին Ստեփանակերտի համար 1 դպրոցի եւ Պատարա գիւղի դպրոցի աշակերտները: ,Պատերազմ ապրած պետութիւնը ի վիճակի չէր պատանիների համար ծրագրեր իրականացնել` պատերազմի թողած բացասական երեւոյթներից ազատուելու համար: Այդ պատճառով Հ.Յ.Դ.-ի կառոյցները որոշեցին կազմակերպել ամառնային բանակումներ, որոնց նպատակն էր պատանիների համար հետաքրքիր ամառնային հանգիստ կազմակերպել: Պատանեկան բանակումները հնարաւորութիւն տուեցին նորից բարձրաձայնել պետական արժէքների, հայրենասիրութեան ու ազգասիրութեան մասին: Հ.Յ.Դաշնակցութիւնը այդ պատասխանատուութիւնը ստանձնեց 1993-էն մինչեւ այսօր, եւ այդ ծրագիրը կը կրի շարունակական բնոյթե, ասում է Ռիտա Մնացականեանը: Հ.Յ.Դ. ծրագրով Արցախի պատանիներին հնարաւորութիւն է տրուել մասնակցելու նաեւ Արցախից դուրս կազմակերպուող բանակումներին: Մարօ Քէշիշեանի հայթայթած նիւթական միջոցների շնորհիւ Կարկառ գետի մօտակայքում կազմակերպուող ճամբարները կրել են շարունակական բնոյթ: 1999-ին Իրանից եկան Արմոնտ Թահմազեանը, Ժիրայր Շահիջանեանը եւ ուրիշներ, ովքեր դարձան պատանեկան ճամբարների ծրագրի շարունակողներ: Այսօր Հայ Յեղափոխական Դաշնակցութիւնը, իր ծրագրային դրոյթների համաձայն, երիտասարդական թեւերի հետ համատեղ ամէն տարի ամրանը կազմակերպում է աւանդոյթ դարձած բանակային ճամբարները: Պատանեկան ճամբարները նպատակաուղղուած են երեխաների մէջ կազմակերպուածութիւն, կարգապահութիւն եւ ազգային ոգու սերմանմանը: Ճամբարները նաեւ հնարաւորութիւն են տալիս կապ հաստատել սփիւռքում եւ հայրենիքում ապրող երիտասարդների միջեւ, առիթ են ընձեռում, որպէսզի սփիւռքահայ երիտասարդները աւելի մօտիկից եւ աւելի լաւ ծանօթանան հայրենիքում առկայ խնդիրներին: ,Սփիւռքի Հ.Յ.Դ. կառոյցների կողմից Արցախում կազմակերպելով ամառնային ճամբարները նպատակ ունեն արցախցի պատանիների ամառնային արձակուրդները հետաքրքիր եւ բովանդակալից դարձնելու: Միեւնոյն ժամանակ միտուած են Սփիւռքի եւ Արցախի երիտասարդների միջեւ ամուր կապ հաստատելունե, ասում է Ֆրանսայի Հ.Յ.Դ. ,Նոր Սերունդե երիտասարդական կազմակերպութեան անդամ, Ֆրանսայի կողմից Արցախում իրականցուող ճամբարի գլխաւոր պատասխանատու Յարութ Շիրինեանը: Ճամբարների ծրագրերը շատ լայն, հետաքրքիր ու բազմազան են: Նրանց ուսուցանւում է ազգային, հայրենասիրական երգեր, հայոց պատմութիւն, կազմակերպւում են զանազան հետաքրքիր խաղեր, ժապաւէնների դիտումներ, ձեռագործութիւն եւ այլն: Հայ Յեղափոխական Դաշնակցութեան երիտասարդական միութիւնների ջանքերով ամէն ամառ Արցախում կեանքի կոչուող պատանեկան ամառնային ճամբարներին մասնակցելու հնարաւորութիւն են ունենում արցախցի մօտ 1000 պատանիներ: Ճամբարին կարող են մասնակցել 9-16 տարեկան պատանիներ: Ամառնային ճամբարի տեւողութիւնը 2 շաբաթ է: Արդէն 11 տարի է, ինչ Լիբանանի ,Զաւարեանե Ուսանողական Միութիւնը Արցախում իրականացնում է տարբեր ծրագրեր, այդ թւում նաեւ կազմակերպում է պատանեկան ճամբարներ`,Քաշաթաղը իմ հայրենիքն է» ծրագրով: ,Զաւարեանե Ուսանողական Միութեան կողմից կազմակերպուած ճամբարների աշխարհագրութիւնը շատ յստակ է. նրանք 10 տարի շարունակ գործունէութիւն են ծաւալում եւ ճամբարներ են կազմակերպում Քաշաթաղի շրջանի տարբեր համայնքներում: ,Ամառնային ճամբարների ծրագրին մասնակցող սփիւռքահայ երիտասարդները ծրագրի շրջանակներում տեսնում են հայրենիքի այս հրաշք մասնիկը` Արցախը, ծանօթանում եւ մասնակցելով այս ծրագրին` մեր կապը հայրենիքի հետ աւելի է ամրապնդւում: Այս ճամբարները իւրօրինակ կամուրջ են ստեղծում սփիւռքի եւ հայրենիքի ու Արցախի երիտասարդների միջեւ: Ծրագրի շրջանակներում հայրենիք են վերադարձել եւ հաստատուել մօտ 10 երիտասարդ: Միւս ընկերները խոստացան ուսումը աւարտելուց յետոյ նոյնպէս հայրենիքում հաստատուելե, ասում է ճամբարների շնորհիւ Հայաստանն ու Արցախը ճանաչած եւ արդէն Հայաստանում հաստատուած Փաթիլ Ասլանեանը: Արեւմտեան Ամերիկայի Հ.Յ.Դ. Երիտասարդական Միութեանը ճամբարների ծրագրերը անց է կացնում 2008 թուականից, Հայաստանի Հանրապետութիւնում, իսկ 2010 թուականից` նաեւ Արցախում: Մտայղացումը տուել են դաշնակցական երիտասարդներ Սօսէն եւ Ալենը: Հայրենադարձներ Սօսէն եւ Ալենը Հայաստանում ամուսնանալուց յետոյ անմիջապէս հաստատուեցին հայրենիքում` օրինակ ծառայելով տասնեակ այլ երիտասարդների համար: Ցաւօք, ինքնաշարժի արկածը խլեց երիտասարդ հայրենադարձների կեանքը: Արեւմտեան Ամերիկայի Հ.Յ.Դ. Երիտասարդական Միութեան ծրագրի շրջանակում ճամբարներն են կազմակերպուել` Ստեփանակերտում, Շուշիում, Ասկերանում եւ Մարտունիում: Արեւմտեան Ամերիկայի ծրագրին անցեալ տարի միացել են նաեւ Հոլանտայից 3 ընկերուհի: Մէկ տարի շարունակ Հ.Յ.Դ. միութիւնների անդամները տարբեր ձեռնարկներ են կազմակերպում, որպէսզի իրականութիւն դարձնեն Արցախում ամրանը ճամբար կազմակերպելու ցանկութիւնը: Արցախում ամառնային ճամբարներ կազմակերպելու նախաձեռնութեանը միացել է Լիբանանի Երիտասարդական Միութիւնը` ճամբարներ իրականացնելով քաղաք Մարտունիում եւ Շուշիում` ,Անուշ Հայրենիքե խորագրով: Արդէն 3-րդ տարին է, ինչ ամառնային ճամբարների ծրագրեր է կազմակերպում նաեւ Ֆրանսայի ,Նոր Սերունդե Երիտասարդական Միութիւնը: Այս տարի Արցախում նախատեսւում է իրականացնել վեց պատանեկան ճամբարներ, որոնք կը կազմակերպուեն Ստեփանակերտում Շուշիում, Ասկերանի շրջանի Աստղաշէն համայնքում, Մարտունիում, եւ Քաշաթաղի շրջանի Միջնաւան համայնքում: Ճամբարներն արդէն մեկնարկել են Ստեփանակերտի թիւ 2-րդ դպրոցում եւ Ասկերանի շրջանի Աստղաշէն համայնքում: "Ապառաժ"

Հ.Յ.Դ. ՃԱՄԲԱՐՆԵՐԸ ՈՐՊԷՍ ԿԱՄՈՒՐՋ ՀԱՅՐԵՆԻՔԻ ԵՒ ՍՓԻՒՌՔԻ ՄԻՋԵՒ

This story is FREE for you...

Leave a Reply

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է

This story is FREE for you...

Leave a Reply

Նմանատիպ Յօդուածներ

Փաշինեանի Յայտարարութիւնները՝ Նիւ Եորքի Մէջ

ՆՇՈԻԵՑԱՒ «ՍՈՒՐԲ ԳՐԻԳՈՐ ՏԱԹԵՒԱՑԻ» ԼՍԱՐԱՆԻ 40-ԱՄԵԱԿԸ

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է