0
0
Թիւ 10, Յունիս 2010
Ուսանողական շրջանակները աշխատանքի լծելու վարքագիծը հինէն ի վեր մաս կազմած է Հ.Յ.Դաշնակցութեան մարտավարութեան: Ուսանողական Միութիւններ հիմնուեցան Եւրոպայի, Ռուսիոյ եւ 1904ին Պէյրութի (Լիբանան) մէջ:
Մեր արխիւներուն մէջ կայ նամակ մը, որ ստորագրուած է »Դամասկոսի Հ.Յ.Դ. Ուսանողական Միութիւն«: Պաշտօնապէս, Դաշնակցութիւնը ուսանողական միութիւն չէ ունեցած Դամասկոսի մէջ. իսկ նամակին մէջ կÿըսուի. »Դամասկոսի Հ.Յ.Դ. Ենթակոմիտէն որ բժշկական վարժարանի ուսանողական տարրերէն կազմուած է…«: Հետեւաբար պարզ է, որ եթէ ոչ պաշտօնապէս, գէթ գործնական առումով, ենթակոմիտէն գործած է իբրեւ ուսանողական միութիւն:
25 Հոկտեմբեր 1909 թուակիր այս նամակը ուղղուած է Հ.Յ.Դ. Եւրոպայի Ուսանողական միութեան: Նամակը կÿընդգծէ գաղափարապաշտ ուսանողութեան եւ մտաւորականութեան դերակատարութիւնը, կÿառաջադրէ կազմակերպել արեւմտահայ ուսանողութիւնը եւ առ այս, կը խնդրէ օրինակներ Դաշնակցութեան Ծրագիրէն եւ Կանոնագրէն, ինչպէս նաեւ կÿառաջադրէ գործակցութեան բնագաւառներ:
Դամասկոսի Հ.Յ.Դ. Ուսանողական Միութեան հասցէն եղած է, ինչպէս կÿերեւի նամակին տակ, Hagop Kenderian, Faculte° de Medicine, Damas, Syrie.
Այս նամակը կը գտնուի մեր արխիւներուն մէջ եւ կրէ 1469142 կարգաթիւը:
