Հ.Մ.Ը.Մ.-ի Կեդրոնական Վարչութեան Ատենապետ Եղբայր Գառնիկ Մկրտիչեանի Այցելութիւն` Արեւելեան Ա.Մ.Ն.
Հ.Մ.Ը.Մ.-ի Արեւելեան Միացեալ Նահանգներու Շրջանային Վարչութիւնը մամլոյ հաղորդագրութեամբ մը կը տեղեկացնէ, թէ Հ.Մ.Ը.Մ.-ի հիմնադրութեան 100-ամեակի տօնակատարութիւններու առթիւ, ընդառաջելով Շրջանային Վարչութեան հրաւէրին՝ շրջան պիտի այցելէ միութեան Կեդրոնական Վարչութեան ատենապետ՝ Գառնիկ Մկրտիչեանը: Այս այցելութիւնը տեղի պիտի ունենայ
Հոկտեմբեր 22-29-ին:
Օգտուելով այս առիթէն, վարչութիւնս կազմակերպած է յատուկ հանդիպումներ պաշտօնական և ժողովրդային, որպէսզի կատարուին մօտէն ծանօթացում շրջանի միութենական կեանքին եւ շրջանէն ներս գործող անդամներուն հետ։ Գառնիկ Մկրտիչեան պիտի այցելէ հետեւեալ գաղութները՝
Երեքշաբթի, Հոկտեմբեր 23․- Ուաշինկթըն
Չորեքշաբթի, Հոկտեմբեր 24․- Նիւ Եորք
Հինգշաբթի, Հոկտեմբեր 25․- Նիւ Ճըրզի
Շաբաթավերջ, Հոկտեմբեր 26-28․- Պոսթըն
Պոսթընի մէջ, ան ներկայ պիտի գտնուի հարիւրամեակին նուիրուած միջոցառումներուն՝ Շաբաթ, Հոկտեմբեր 27-ին խմբապետական համագումարին, մարզական մրցաշարքին, ճաշկրոյթ-պարահանդէսին,
Կիրակի, Հոկտեմբեր 28-ին կատարուելիք դրօշի օրհնենքին, հոգեհանգիստի արարողութեան և պաշտօնական հանդիսութեան:
Հ.Մ.Ը.Մ.-ի Արեւելեան Միացեալ Նահանգներու Շրջանային Վարչութիւնը կը հրաւիրէ շրջանի հայութիւնը, վերոնշեալ միջոցառումներուն, միասնաբար տօնելու համար ՝՝Բարձրացիր-Բարձրացուր՝՝-ի ետին կանգնող
միութեան հարիւրամեակը:
