Հ.Հ.-ի Մօտ Ա.Մ.Ն.-ի Դեսպան Թրէյսի Այցելեց Սահմանագիծ
ԵՐԵՒԱՆ.- Երկուշաբթի, Յուլիս 26-ին, Հայաստանի մէջ Միացեալ Նահանգներու դեսպան Լին Թրէյսի, Հայաստանի պաշտպանութեան նախարարութեան ներկայացուցիչներուն ընկերակցութեամբ այցելեց Գեղարքունիքի մարզ: Հրամանատար Արայիկ Յարութիւնեան դեսպանին ներկայացուց հայ-ատրպէյճանական սահմանին տիրող իրավիճակը, ապա անոնք այցելեցին Վերին Շորժայի հատուածի սահմանագիծ:
Դեսպան Թրէյսի վերահաստատեց Միացեալ Նահանգներու մտահոգութիւնը` սահմանի երկայնքին տեղի ունեցող դէպքերուն վերաբերեալ եւ ընդգծեց, որ Միացեալ Նահանգներ կը մերժեն ուժի կիրարկումը սահմանազատում իրականացնելու պարագային:
Թրէյսի նաեւ շեշտեց, որ Միացեալ Նահանգները, իբրեւ Ե.Ա.Հ.Կ.-ի Մինսքի խմբակի համանախագահ երկիր, հաւատարիմ կը մնան ղարաբաղեան տագնապի երկարաժամկէտ քաղաքական լուծման հասնելու նպատակով բոլոր կողմերուն հետ աշխատելու հոլովոյթին:
