Հ.Հ.-Ի ՄՕՏ Ա.Մ.Ն.-Ի ԴԵՍՊԱՆ ՀԵՖԸՐՆ ՊԻՏԻ ԱՅՑԵԼԷ ՆԻԻ ԵՈՐՔ ԵՒ ՊՈՍԹԸՆ
ԵՐԵՒԱՆ.- Հայաստանի մօտ Միացեալ Նահանգներու դեսպան Ճոն Հեֆըրն արդէն իսկ սկսած է այցելել Ա.Մ.Ն.-ի հայահոծ գաղութներ: Ան այժմ կը գտնուի Արեւմտեան շրջան, ուր կ՛այցելէ Լոս Անճելըս եւ Սան Ֆրանսիսքօ, հանդիպումներ ունենալու համար հայ համայնքի ներկայացուցիչներու եւ անդամներու հետ:
Ապա պիտի այցելէ արեւելեան շրջան, ուր յաջորաբար պիտի այցելէ Պոսթըն (Դեկտեմբեր 13-14) եւ Նիւ Եորք (Դեկտեմբեր 17-18):
Հանդիպումներուն պիտի քննարկուին Հայաստանի իրադարձութիւնները, Հայաստան-Միացեալ Նահանգներ գործակցութեան կապերն ու Հայաստանի տրամադրուած ամերիկեան օժանդակութիւնները:
Պոսթընի մէջ, ձեռնարկները տեղի պիտի ունենան երեկոյեան ժամը 7:00-ին, յաջորդաբար Ուաթըրթաունի Սուրբ Յակոբ եւ Սուրբ Ստեփանոս եկեղեցիներէն ներս:
Սովորութիւն է որ նորանշանակ դեսպաններ այցելեն գաղութներ, յաւելեալ ծանօթացում եւ շփում ունենալու համար:
