Հ․Օ․Մ․- ականները Յարգեցին Հ․Օ․Մ․–ի Ննջեցեալերուն, Արցախի Նահատակներուն Եւ Սուրիոյ Երկրաշարժի Զոհերուն Յիշատակը

0 0
Read Time:1 Minute, 8 Second

Վերջերս Հայ օգնութեան միութեան Հայաստանի Շրջանային վարչութեան խնդրանքով Եռաբլուրի զինուորական պանթէոնի Սրբոց Վարդանանց Նահատակաց եկեղեցւոյ մէջ կատարուեցաւ հոգեհանգստեան արարողութիւն մը` Հ․Օ․Մ․-ի ննջեցեալներուն, բարերարներուն, մեր նահատակ հերոսներուն եւ Սուրիոյ աղէտալի երկրաշարժին զոհ գացած հայորդիներու հոգիներուն խաղաղութեան համար:

Հ․Օ․Մ․-ի Կեդրոնական եւ Շրջանային վարչութեան ներկայացուցիչներուն գլխաւորութեամբ, մեծաթիւ Հ․Օ․Մ․-ականներ մասնակցեցան հոգեհանգիստի արարողութեան եւ իրենց յարգանքի տուրքը մատուցեցին բոլոր ննջեցեալներուն:

Հոգեհանգիստի արարողութենէն ետք Հ․Օ․Մ․-ի պատուիրակութիւնը այցելեց Անյայտ զինուորի յուշարձան եւ ծաղկեպսակ զետեղեց` առ ի յարգանք այն հերոսներուն, որոնք մեր սիրելի հայրենիքին պաշտպանութեան համար մղուող մարտերուն ընթացքին անհետ կորսուեցան: Ծաղկեպսակը յուշարձանին առջեւ զետեղեցին աւագ Հ․Օ․Մ․-ականներ Ժենիկ Պարսամեանը եւ Սուսաննա Ալոյեանը:

Ապա պատուիրակութիւնը այցելեց Սօսէ Մայրիկի շիրիմ, ուր Հ․Օ․Մ․-ի Կեդրոնական վարչութեան անդամ Համեստուհի Սասունեան եւ Հայաստանի Շրջանային վարչութեան ատենապետ Մարօ Քէշիշեան Հ․Օ․Մ․-ի մեծ ընտանիքին անունով ծաղկեպսակ զետեղեցին:

Ապա Քէշիշեան խօսեցաւ Սօսէ Մայրիկի ազգային ազատագրական պայքարին մասնակցած կին ֆետայիի կերպարին, սխրագործութիւններուն, հայրենասիրական ոգիին եւ քաջագործութիւններուն մասին: Ան կոչ ուղղեց բոլորին` իբրեւ ժառանգորդներ Սօսէ մայրիկներուն եւ անոր նմաններուն,  իրականացնել Հ․Օ․Մ․-ի առաքելութիւնը եւ խիտ շարքերով շարունակել հայրենանուէր իրենց գործունէութիւնը` հաւատարիմ մնալով «Ժողովուրդիս հետ, ժողովուրդիս համար» կարգախօսին:

Այնուհետեւ ներկաները Հ․Օ․Մ․-ի քայլերգին փոխարէն` մեծ ոգեւորութեամբ երգեցին Սօսէ Մայրիկին նուիրուած «Գնդակ որոտաց» երգը, խունկ վառեցին անոր շիրիմին առջեւ եւ օրուան խորհուրդը շարունակեցին` այցելելով մեր նորագոյն նահատակներու շիրիմները եւ ծաղիկներ զետեղեցին անոնց յիշատակին:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles