0
0
Կիրակի Յունուար 24-ին, Պոսթընի մօտակայ հայահոծ Ուաթըրթաուն շրջանի Հայաստանեաց Առաքելական Սուրբ Յակոբ եկեղեցւոյ սրահին մէջ, տեղի ունեցաւ Հրանդ Տինքի սպանութեան երրորդ տարելիցին նուիրուած ձեռնարկ մը, կազմակերպութեամբ “Հրանդ Տինքի Բարեկամներ” հիմնարկին կողմէ:
Հովիւ Առաքել Ալճալեանի աղօթքէն եւ բացման խօսքէն ետք, խօսք առին “Հրանդ Տինքի Բարեկամներ” հիմնարկի պատասխանատուներ` Զատիկ Օզքան եւ Հէրի Բարսեղեան, որոնք յայտնեցին թէ Տինքի դատը դժուարութեամբ կը յառաջանայ դեռ տակաւին շատ ճամբայ կայ, եւ կան տակաւին բազմաթիւ պատեր, որոնք պէտք է փուլ գան:
Ապա խօսք առաւ Տինքի մօտիկ բարեկամ եւ Ուստըրի “Քլարք” համալսարանի Հայոց Ցեղասպանութեան ամպիոնի պատասխանատու դասախօս Թանէր Աքչամ, որ ըսաւ թէ.- “Այս ոճիրը հանրութեան ցաւ պիտի պատճառէ, այնքան ատեն, որ այս սպանդին գաղտնի պահտական հաստատութիւններու հետ…”: Ան նաեւ կարեւորեց այն իրողութիւնը, որ.- “…Չէինք կրցած զինք պաշտպանել, ամօթ մըն է, զոր մեզի հետ պիտի կրենք երկար տարիներ”:
Ձեռնարկի աւարտին տեղի ունեցաւ հիւրասիրութիւն:
