Հայ Դատի Յանձնախումբը Կը Դատապարտէ Քոնկրէսական Հենրի Քուէյարի Ներման Որոշումը
ՈՒԱՇԻՆԿԹԸՆ․- Հայ Դատի յանձնախումբը բռնօրէն կը դատապարտէ նախագահ Թրամփի կողմէ Քոնկրէսական Հենրի Քուէյարի (Դեմոկրատական – Թեքսաս) անարդար ներումը։
Նշենք, թէ Քուէյար 2024-ին մեղադրուած էր որ 600 հազար տոլարի գումար մը ստացած էր, կուրօրէն պաշտպանելու համար Ատրպէյճանի շահերը։
Հայ Դատի յանձնախումբի գործադիր տնօրէն Արամ Համպարեան շեշտեց, թէ․- «Նախագահ Թրամփ ընթացք կու տայ օտար կաշառքներուն եւ ամերիկեան ժողովրդավարութեան մէջ Ատրպէյճանի միջամտութեան»։
Մեղադրանքները կը բացայայտեն, որ Քուէյար տարիներ շարունակ ազերի պետական ընկերութենէն կաշառքներ ստացած է, խոստանալով ազդել սփիւռքահայերու ընդդիմութիւնը շրջանցող օրէնսդրութիւններու վրայ, արգելք հանդիսանալով Արցախին ուղղուած օգնութիւններուն եւ ամրապնդելով Պաքուի դիրքերը։
Թրամփի ներումին հետեւանքով, դատական արդարութիւնը խաթարուած է, սակայն Քոնկրէսը կը պահէ իր լիազօրութիւնը Քուէյարը հեռացնելու եւ վերականգնելու վստահութիւնը ամերիկեան ժողովրդավարութեան մէջ։ Հայ Դատի յանձնախումբը կը շարունակէ իր #ExpelCuellar քարոզարշաւը՝ կոչ ուղղելով անմիջական արտաքսումի եւ ամբողջական քննութեան։
