0
0
Արտասովոր եռուզեռն ու պատկերը կը սկսի Երեւանի կեդրոնէն՝ Հանրապետութեան հրապարակէն, ուր անգամ մը եւս քանի մը շաբթուայ համար բնակութիւն հաստատած է 29 մեթր հասակով վիթխարի ծառը՝ զարդարուած ու լուսաւորուած:
Հայաստանի տարբեր շրջաններէն՝ հեռաւոր թէ մօտակայ գիւղերէն ու քաղաքներէն, հազարաւոր մարդիկ մայրաքաղաք կու գան, գնումներ կատարելու: Անշուշտ անոնց կիզակէտն է ուտեստեղէնն ու նուէրները՝ մեծաքանակ թէ փոքրաքանակ:
Սահմանափակ եկամուտ ունեցողներուն համար գլխաւոր մտահոգութիւնը բնականաբար անհրաժեշտ գումարը ճարելն է, որպէսզի գէթ տարին անգամ մը, այդ ալ ամանորի գիշերը, կարելի ըլլայ ճոխ սեղան մը ունենալ եւ նուէրներով ուրախացնել հարազատները: Վաճառականներն ալ այս առթիւ, ճարպիկ գտնուելով բարձրացուցած են ուտեստեղէնի եւ սպառողական ապրանքներու գիները: Անշուշտ ասոր կողքին անպակաս է այդ ընտրանին, որ քանի մը օրուայ համար կը մեկնի Եւրոպա կամ Արաբական Էմիրութիւններ, իր ամանորը տօնելու:
Մինչ այդ, պաշտօնական արձակուրդը պիտի տեւէ Դեկտեմբեր 31-էն մինչեւ Յունուար 10, 2010:
