Հայաստանի Անկախութեան 25-ամեակ՝ Մասնակցութեամբ Քոնկրէսականներու

0 0
Read Time:1 Minute, 18 Second

schiff_amb_costa_25th

ՈՒԱՇԻՆԿԹԸՆ.- Յատուկ հաղորդագրութեամբ մը, Ամերիկայի Հայ Դատի յանձնախումբը կը տեղեկացնէ, թէ Սեպտեմբեր 21ի երեկոյեան, Միացեալ Նահանգներու մօտ Հայաստանի դեսպանատան հիւրընկալութեամբ տեղի ունեցաւ Հայաստանի անկախութեան 25ամեակի տօնակատարութիւն, որուն մասնակցեցան Միացեալ Նահանգներու Ներկայացուցիչներու տան Արտաքին յարաբերութեանց յանձնախումբի ատենապետ Էտ Ռոյս, ծերակուտական Պապ Մենենտէս, եւ Քոնկրէսի Հայկական համախմբումի ղեկավարութիւնը:
Տօնակատարութեան ներկայ էին նաեւ Քոնկրեսի Հայկական համախմբումի համաատենապետները՝ Ֆրենք Փալոն եւ Ճեքի Սփիր, նաեւ փոխատենապետներ՝ Էտըմ Շիֆ, Տէյվիտ Թրաթ, Ճուտի Չու, Ճիմ Քոսթա, Աննա Էշու եւ Պրետ Շըրմըն։trott_eshoo_amb_pallone_25tspeier_cgp_eafjd_25thrnk_menendez_25th

 

 

 

 

 

 

Խօսք առնելով, քոնկրէսականները շնորհաւորեցին Հայաստանի քառորդ դարեան անկախութիւնը եւ խոստացան նեցուկ կանգնիլ Հայաստան-Միացեալ Նահանգներ յարաբերութիւններու սերտացման եւ Արցախի ազատութեան, միաժամանակ դէմ դնելով Հայոց Ցեղասպանութեան գծով Թուրքիոյ ուրացման արշաւին մէջ Սպիտակ Տան մեղսակցութեան։
Ելոյթ ունեցաւ Ամերիկայի Հայ Դատի յանձնախումբի գործադիր վարիչ Արամ Համբարեան, որ նշեց յատկապէս անկախութեան առաջին տարիներու Միացեալ Նահանգներու ցուցաբերած օժանդակութիւնները՝ երախտագտութիւն յայտնելով անոնց եւ անոնցմէ ետք շարունակաբար կատարուած նպաստներուն համար։
Իր կարգին, դեսպան Գրիգոր Յովհաննիսեանը խօսք առնելով, դրուատեց Միացեալ Նահանգներ-Հայաստան յարաբերութիւններու սերտացման համար տարուող ջանքերը։royce_25th
Միւս կողմէ, նշենք թէ Միացեալ Նահանգներու Հայ Դատի յանձնախումբը դատապարտեց Հայաստանի նախագահին ուղղուած Միացեալ Նահանգներու նախագահ Պարաք Օպամայի շնորհաւորական ուղերձը:
Հայ Դատի յանձնախումբը կը նշէ, որ նամակը ուշագրաւ է մասնաւորապէս անով, որ Հայոց ցեղասպանութեան մասին որեւէ յիշատակում չկայ, բան մը, զոր նախագահը այդքան կ՛օգտագործէր 2008-ին ամերիկահայերուն քուէները ապահովելու համար, բայց ընտրուելէն ետք հրաժարեցաւ անկէ:
Նամակին մէջ անդրադարձ չկայ նաեւ Հայաստան – Թուրքիա արձանագրութիւններուն, չի յիշատակուիր նաեւ Արցախը:
«Հետաքրքրական է, որ Օպամայի վարչակազմը այլ պարունակի մէջ օգտագործած է «մենք հաւատարիմ կը մնանք նախորդ տարիներու խոստումին» նախադասութիւնը, որ կրնայ դիւրութեամբ վերաբերիլ նաեւ Հայոց ցեղասպանութիւնը ճանչնալու իր իսկ չիրականացուած խոստումին», կը նշուի հաղորդագրութեան մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles