ՀԱՅԱՍՏԱՆԻ ԱԶԳԱՅԻՆ ԺՈՂՈՎԻ ԱՐՏԱՔԻՆ ՅԱՐԱԲԵՐՈՒԹԻՒՆՆԵՐՈՒ ՄՆԱՅՈՒՆ ՅԱՆՁՆԱԽՈՒՄԲԻ ՆԱԽԱԳԱՀ ԱՐՄԷՆ ՌՈՒՍՏԱՄԵԱՆ Կ՝ԱՅՑԵԼԷ Ա.Մ.Ն. ԱՐԵՒԵԼԵԱՆ ՇՐՋԱՆ
Երեքշաբթի, Դեկտեմբեր 8, 2009-էն ի վեր Ա.Մ.Ն. Արեւելեան շրջան կը գտնուի Հայաստանի Ազգային ժողովի արտաքին յարաբերութիւններու մնայուն յանձնախումբի նախագահ եւ Հ.Յ.Դ. Հայաստանի Գերագոյն մարմնի ներկայացուցիչ Արմէն Ռուստամեան, որ Հ.Յ.Դ. 119-ամեակի եւ Հայաստան-Թուրքիա արձանագրութիւններուն մասին դասախօսութիւններ պիտի տայ, զանազան գաղթօճախներէ ներս:
Ան արդէն իսկ, դասախօսած է Ֆիլատելֆիոյ մէջ եւ Ուաշինկթըն այցելելով, կատարած է պաշտօնական տեսակցութիւններ:
Այսպէս, տեղւոյն Հայ Դատի Յանձնախումբին հետ, Ռուստամեան տեսակցեցաւ քոնկրէսականներու եւ ներկայացուցիչներու հետ, որոնց կարգին՝ Տայըն Ուաթսըն (Դեմոկրատական-Քալիֆորնիա), Կերի Աքըրմըն (Հանրապետական-Նիւ Եորք), Հաուըրտ Պըրմըն (Դեմոկրատական-Քալիֆորնիա, Ազգային ժողովի արտաքին յարաբերութիւններու պաշտօնակից), Ճիմ Քոսթա (Դեմոկրատական-Քալիֆորնիա), Իլիըթ Էնկըլ (Դեմոկրատական-Նիւ Եորք), Ֆրանք Փալոն (Դեմոկրատական-Նիւ Ճըրզի), Էտ Ռոյս (Հանրապետական-Քալիֆորնիա), Վինս Վան Հոլըն (Դեմոկրատական-Մարիլէնտ):
Ռուստամեան, նաեւ պիտի այցելէ եւ բանախօսէ Փրովիտընսի, Պոսթընի եւ Նիւ Եորք-Նիւ Ճըրզի շրջաններէն ներս:
