ՀԱՄԱՇԽԱՐՀԱՅԻՆ ԴՐԱՄԱՏՈՒՆԸ ՅԻՍՈՒՆ ՄԻԼԻՈՆ ՏՈԼԱՐ ՊԻՏԻ ՏՐԱՄԱԴՐԷ ՀԱՅԱՍՏԱՆԻՆ

0 0
Read Time:45 Second

worldbank  ԵՐԵՒԱՆ. Մայիս 23ին, Հայաստանի Ելեւմուտքի նախարար Գագիկ Խաչատրեան եւ Համաշխարհային դրամատան հայաստանեան գրասենեակի ղեկավար ԺանՄիշէլ Հափի վարկային ու գանձատրական համաձայնագիրներ ստորագրած են՝ կրթութեան եւ ընկերային ոլորտներու ծրագիրներու իրագործումը ապահովելու նպատակով:

Միջազգային զարգացման ընկերակցութեան հետ ստորագրուած համաձայնագրով, ընկերային պաշտպանութեան վարչարարութեան Բ. ծրագրով Հայաստանին պիտի տրամադրուի 21,2 միլիոն տոլարի համարժէք 13,9 միլիոն յատուկ փոխառութեան իրաւունքի չափով վարկ: Ծրագրին նպատակն է բարելաւել ընկերային պաշտպանութեան ծառայութիւններու տրամադրումը եւ հզօրացնել զանոնք մատուցանող, ինչպէս նաեւ ընկերային պաշտպանութեան նպաստներ վճարող մարմիններու վերլուծական, դիտարկման եւ գնահատման աշխատանքները:
Իսկ “Կրթութեան բարելաւման ծրագր“ի ծիրին մէջ Հայաստան պիտի ստանայ ընդհանուր առմամբ 30 միլիոն տոլար արժողութեամբ վարկ, որուն 15 միլիոն տոլարը՝ Վերակառուցման եւ զարգացման միջազգային դրամատունէն, նոյնքան տոլարի համարժէք 9,8 միլիոնի չափով վարկ ալ յատուկ փոխառութեան իրաւունքով՝ Միջազգային զարգացման ընկերակցութենէն: Ծրագրին նպատակն է բարձրացնել Հանրապետութեան տարրական դպրոց ընդունուող երախաներուն պատրաստութիւնը, բարելաւել աւագ դպրոցներուն մէջ ֆիզիքական պայմաններն ու կրթական պաշարներու մատչելիութիւնը, ինչպէս նաեւ աջակցիլ բարձրագոյն ուսումնական հաստատութիւններուն կրթութեան որակի բարելաւման:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles