ԾԱՒԱԼՈՂԱՊԱՇՏ ԱԼԻԵՒԻ ՅԱՐՁԱԿՈՂԱԿԱՆԸ

0 0
Read Time:1 Minute, 37 Second

aliyev

ՀԱՅՐԵՆԻՔ
Սեպտեմբեր 8, 2015

Վերջին օրերու հետեւողական կրակոցներն ու ռմբակոծումները անակնկալ մը չէին: Ամառնային արձակուրդին եւ շաբաթներ առաջ, Պաքուի մէջ կազմակերպուած համա-եւրոպական ամառնային Ողիմպիականի աւարտին, Ալիեւի վարչամեքենան դիմած է սուր յարձակողականի, որ կրնայ ծանր ազդեցութիւն ունենալ Կովկասեան տարածաշրջանէն ներս:
Զինադադարի յաճախակի խախտում չէ որ կը կատարուի, այլ հերթական հետեւողականութեամբ ազերի բանակը կը շարունակէ իր յարձակումները, ոչ թէ միայն ռազմական դիրքերու վրայ, այլ նաեւ սահմանամերձ գիւղերու մօտ:
Պատահածներու ընթացքը կարելի չէ պարզ միջադէպք նկատի ունենալ, այլ պարզապէս պատերազմական մթնոլորտ եւ այդ մէկուն քաջատեղեակ ըլլալով,
Պաքուն, շնորհիւ իր ռազմաքաղաքական ղեկավարութեան եւ այդ ալ յանձին ծաւալողապաշտ նախագահ Ալիեւի, որդեգրած է տիրող իրավիճակը հասցնելու կարմիր գիծին եւ նոյնիսկ գերազանցելով, հասցնելու պատերազմական մթնոլորտին:
Յիշատակելին այն է թէ, վերջին անակնկալ յարձակողականը, որուն ընթացքին զոհուած էին երկու հայրենի զինուորներ, պատահած էր այդ ժամանակ երբ
երբ Ֆրանսայի խորհրդարանի ընկերվարական խմբակցութեան պատուիրակութիւն մը, ժամանած էր Ստեփանակերտ:
Զարմանալին այն է թէ, հակառակ այս բոլոր կատարուած իրադարձութիւններուն, Ալիեւի քարոզչական մեքենան, իւրայատուկ քարոզչութեամբ կը փորձէ իր իսկ կողմէ ձեռնարկուող նախայարձակ գործողութիւնները մատուցել իբրեւ դիմացի կողմին ուղղուած պատասխան քայլ, կիրարկելով այդ «ջայլամի քաղաքականութիւն»ը:
Դէպքերու ընթացքին հետեւողին համար, յստակ է թէ, Արցախի դիրքերու ուղղութեամբ հետեւողականութեամբ կատարուող ոտնձգութիւնները կը կատարուին «խենթ» Ալիեւեան մտայնութեամբ, այսինքն ցուցադրելով փեթրոտոլարներով գնուած գերարդիական ռազմական կազմածներ:
Հոս տեղին է մէջբերել Արցախի Հանրապետութեան պաշտպանութեան նախարարութեան մէկ նախազգուշական յայտարարութիւնը՝ թէ Ատրպէյճանի ռազմաքաղաքական ղեկավարութեան կողմէ որդեգրուած նմանօրինակ գործելաձեւեր, ոչ միայն պատճառ կը դառնան չարդարացուած ու անդառնալի կորուստներու, այլ նաեւ, շարունակուող դէպքերը կրնան աննախատեսելի հետեւանքներու յանգիլ, որոնք կրնան մեծ հարուած մը տալ սոյն տագնապի խաղաղ լուծման հարցով զբաղող միջազգային կառոյցներուն, յատկապէս` ԵԱՀԿ-ի Մինսքի խմբակի համանախագահներուն:
Ի վերջոյ այս վերջինները քաջատեղեակ են, թէ հակամարտ զօրքերու շփման գիծին վրայ կատարուող անախորժ դէպքերուն պատասխանատուութիւնը կը կրէ նոյնինքն Պաքուն:
Ստորակայութեան բարդոյթէ մը թօթափելու փորձն է, որ կը կատարէ Ալիեւ:
Արցախեան պատերազմի պարտութեան եւ մօտակայ ազերի գիւղերու բնակիչներու խուճապ, որոնք ցայսօր կը մնան անլուծելի եւ անգերազանցելի հպարգելք՝ թապու, որուն համար հաւանաբար լաւագոյն լուծումը՝ Հայաստանի հետ բաժնող պատի ստեղծումն է եւ այս գծով արդէն իսկ աշխատանքները սկսած են, զանազան գիւղերէ ներս:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ԵԸՐՆԸԿ ՄԷՐ ԱՇԽՈՅՐ, ՄԷՐ ԼԻՌՆՈՅՐ… ԵՐԱՆԵԼԻ ՄԵՐ ԱՇԽԱՐՀԸ, ՄԵՐ ԼԵՌՆԵՐԸ
Next post ՆՇՄԱՐ.- ՊԱՏԿԵՐՆԵՐ ԱՀԱՒՈՐ ՈՂԲԵՐԳՈՒԹԵՆԷ ՄԸ…

Average Rating

5 Star
0%
4 Star
0%
3 Star
0%
2 Star
0%
1 Star
0%

One thought on “ԾԱՒԱԼՈՂԱՊԱՇՏ ԱԼԻԵՒԻ ՅԱՐՁԱԿՈՂԱԿԱՆԸ

  1. Սեպտեմբերի 3-ին Հայաստանում մեկնարկել են «Շանթ-2015» ռազմավարական հրամանատարաշտաբային զորավարժությունները: Մինչեւ սեպտեմբերի 6-ը մայրաքաղաքում եւ մարզերում տեղի կունենան վարժանքային միջոցառումներ։

    Ըստ պաշտպանության նախարարի մամուլի քարտուղար Արծրուն Հովհաննիսյանի՝ սահմանամերձ բնակավայրերում ստեղծվել են հատուկ ճամբարներ, տարհանման վայրեր, որպեսզի գործընթացի ժամանակ հստակեցվի, թե պատերազմի ժամանակ ինչպես են բնակիչները տարհանվելու:

    Այդ ֆոնին լարված է իրավիճակը հայ-ադրբեջանական սահմանին: Հակառակորդը կրկին ակտիվ կրակոցներ է արձակել հատկապես Տավուշի մարզում սահմանի ամբողջ երկայնքով: Կրակոցները շարունակվել են մինչեւ առավոտ, օգտագործվել են տարբեր տրամաչափի արկեր, ականանետեր եւ դիպուկահար զենքեր:

    Մանրամասները՝ տեսանյութում

Leave a Reply

Your email address will not be published.

Social profiles