Լեւոն Մկրտչեան Զեկուցեց Հ.Հ. Սահմանադրական Փոփոխութիւններու Մասին

0 0
Read Time:1 Minute, 20 Second

levon

Յատուկ հրաւէրով Միացեալ Նահանգներու Արեւելեան շրջան այցելած Հ.Հ. Կրթութեան եւ Գիտութեան նախկին նախարար, Հ.Յ.Դ. Բիւրոյի նախկին անդամ ընկ. Լեւոն Մկրտչեան զրոյց-հանդիպումներ ունեցաւ Շիքակոյի Հայ Կեդրոնին, Նիւ Եորքի Հայ Կեդրոնին եւ Պոսթընի «Բաբգէն Սիւնի» ակումբին մէջ: Ան նաեւ մասնակցեցաւ շրջանի բանակումին, որ տեղի ունեցաւ Հ.Ե.Դ.-ի կեդրոնին մէջ: Մկրտչեան յայտնեց թէ Հ.Յ.Դաշնակցութիւնը ամիսներէ ի վեր գործի լծուած էր եւ սահմանադրական փոփոխութիւններու գծով հանդիպումներ ունեցած էր քաղաքական ուժերու հետ:
Բաւական մը մանրամասնելով, ան նշեց թէ սահմանադրութեան վերամշակուած տարբերակով հիմնովին կը փոխուի Հայաստանի պետականութեան համակարգը, ուր նախագահական համակարգին կու գայ փոխարինելու խորհրդարանական ձեւը,եւ աւելի կարեւոր տեղ կու տայ կուսակցութիւններու դերակատարութեան, վերահսկող աւելի մեծ առիթ կուտայ ընդդիմութեան եւ յոյս կու տայ հայոց պետութեան դէմ ծառացած բազմաթիւ խնդիրներու լուծման:
« Ճամբու քարտէսը եւ ժամկէտները բոլոր կէտերով հետեւողական ձեւով քննարկման առարկայ դարձան: Յստակ էր թէ, սահմանադրական բարեփոխումներու անհրաժեշտութիւն կար: Հոս նշեմ թէ շեշտադրումները տնտեսական, քաղաքական, մարդկային իրաւունքներու, տեղական ինքնակառավարման մարմիններու եւ դատական համակարգերու, իշխանութիւններու թեւերու հաւասարակշռման եւ փոխադարձ զսպումներու մարզերու, իշխանութիւն-ընդդիմութիւն միասնական քաղաքական համակարգ ունենալու հարցերուն մէջ մեծամասնութեամբ կը համընկնին մեր մօտեցումներուն», յայտնեց Մկրտչեան աւելցնելով թէ, յաճախ նախնական մակարդակի վրայ կը դրուի սահմանադրական փոփոխութիւններու հարցը` իբրեւ կառավարման փոփոխութիւններու հարց:
Մկրտչեան աւելցուց թէ, պիտի սկսի հոլովոյթ մը, ուր քաղաքացին ինքզինք իրագործած պիտի զգայ եւ այս կատարուածին երաշխաւորը, կառավարման խորհրդարանական համակարգը պիտի ըլլայ: Ան շեշտեց թէ այս գործընթացը երկար ժամանակաշրջանի կը կարօտի: «Այս մէկը մեր առօրեան ու կեանքն է: Իսկապէս պէտք է պատկերացնել սահմանադրական փոփոխութիւններու դրական ազդեցութիւնը մեր կեանքին վրայ: Ասոր կողքին, անշուշտ հասկնալի է թէ, հանրաքուէին յաջորդ օրը քաղաքացին պիտի սկսի լաւ, հարուստ ապրիլ… ո՛չ»:
Այս հաւաքներու աւարտին կատարուեռցաւ հարց-պատասխան եւ հիւրասիրութիւն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՊԱՅԹՈՒՄ ԵՒ ՊՈՌԹԿՈՒՄ
Next post Մարդկային Իրաւանց Եւրոպական Դատարանի Վճիռը «Փերինչէք ընդդէմ Զուիցերիա» Հարցին Առնչութեամբ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles