ԸՆԿԵՐՎԱՐ ՄԻՋԱԶԳԱՅՆԱԿԱՆԸ 2015-ԻՆ ՊԻՏԻ ՆՇԷ ՀԱՅՈՑ ՑԵՂԱՍՊԱՆՈՒԹԵԱՆ 100-ԱՄԵԱԿԸ

0 0
Read Time:1 Minute, 2 Second

00

ԺԸՆԵՒ.- Դեկտեմբեր 16-ին, Մ.Ա.Կ.-ի կեդրոնատեղիին մէջ, գումարուեցաւ Ընկերվար Միջազգայնականի խորհուրդի նիստը։ Հ.Յ.Դ.-ի կողմէ ժողովին մասնակցեցաւ Բիւրոյի անդամ, Ընկերվար միջազգայնականի փոխ-նախագահ Մարիօ Նալպանտեանը, որ նաեւ մասնակցած էր կազմակերպութեան նիւթական եւ վարչական յանձնախումբի եւ նախագահութեան նիստերուն։
Ժողովի գլխաւոր նիւթին՝ «Միջազգային խաղաղութիւն եւ անվտանգութիւն՝ հակամարտութիւններու կարգաւորում եւ ահաբեկչութեան դէմ պայքար»ի առնչութեամբ ելոյթ ունեցողները գլխաւորաբար անդրադարձան Իսրայէլ-Պաղեստին հակամարտութեան եւ Սուրիոյ տագնապին մասին։
Խորհուրդը բանաձեւ որդեգրեց կոչ ընելով աշխարհի պետութիւններուն ճանչնալու Պաղեստինի պետութիւնը՝ 1967-ի սահմաններով եւ արեւելեան Երուսաղէմ մայրաքաղաքով։
Օրակարգի այդ գլխուն տակ ելոյթ ունեցաւ նաեւ Ատրպէյճանի Ընկերվար ժողովրդավար կուսակցութեան ներկայացուցիչը։ Ընկերվար միջազգայնականի մէջ դիտորդի կարգավիճակ ունեցող կուսակցութեան ներկայացուցիչի ելոյթը կը կրկնէր Ատրպէյճանի իշխանութեան, յատկապէս՝ նախագահ Իլհամ Ալիեւի հակահայ մոլուցքը։
Ատրպէյճանցիի ելոյթի յաջորդեց Հ.Յ.Դ. ներկայացուցիչի ելոյթը։ Մարիօ Նալպանտեանը նախ անդրադարձաւ Հայոց Ցեղասպանութեան 100-րդ տարելիցին, դիմեց Թուրքիոյ ճանչնալու իր իսկ պատմութիւնը եւ կոչ ըրաւ բոլորին մասնակից դառնալ 100-րդ տարելիցի ոգեկոչումին։ Նալպանտեան ապա պատասխանեց ատրպէյճանական կուսակցութեան ներկայացուցիչի հակահայ ելոյթին, ցաւ յայտնելով, որ այդ կուսակցութիւնը փաստօրէն դարձած է Ատրպէյճանի իշխանութիւններու գործիքը։
Ժողովի աւարտին, իր փակման խօսքին մէջ, Ընկերվար միջազգայնականի նախագահ Ճորճ Փափանտրէուն անդրադարձաւ յիշողութեան կարեւորութեան եւ այդ ծիրին մէջ ըսաւ, թէ որոշուած է, որ Ընկերվար միջազգայնականի խորհուրդը եկող տարի՝ Հայոց Ցեղասպանութեան 100-րդ տարելիցի առիթով, այդ հարցը դարձնել օրակարգի նիւթ։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles