Եւրոպայի Խորհուրդի Դիտորդներն Ու Միջազգային Մամուլին Գնահատականը՝ Սահմանադրական Փոփոխութիւններու Հանրաքուէին Մասին

0 0
Read Time:2 Minute, 33 Second

sahmanatroutyoun6

Եւրոպայի խորհուրդի Խորհրդարանական վեհաժողովի պատուիրակութիւնը, յատուկ ենթայանձնախումբով մը, դիտորդական առաքելութիւն կատարեց, անցեալ Կիրակի, Դեկտեմբեր 6-ին, Հայաստանի մէջ տեղի ունեցած սահմանադրական բարեփոխումներու հանրաքուէին:
Պատուիրակութիւնը Հայաստան գտնուած է Դեկտեմբեր 4-7ին, եւ հանդիպումներ ունեցած է քաղաքական կուսակցութիւններու ղեկավարներուն եւ ներկայացուցիչներուն, Կեդրոնական ընտրական յանձնախումբի նախագահին, քաղաքացիական հասարակութեան եւ լրատուամիջոցներու ներկայացուցիչներու, ինչպէս նաեւ ԵԱՀԿ Ժողովրդավարական հաստատութիւններու եւ մարդկային իրաւանց գրասենեակի փորձագէտներուն հետ: Այս պատուիրակութեան ղեկավարն էր Զուիցերիոյ պատգամաւոր Անտրէաս Կրոսը:
Յանձնախումբի պաշտօնական կայքին մէջ կը նշուի, թէ հանրաքուէով ընդունուեցաւ նոր սահմանադրութիւնը, ըստ նախնական արդիւնքներուն, քուէարկութեան մասնակիցներուն 64 տոկոսը թեր քուէարկած է` այսպիսով ապահովելով սահմանադրական փոփոխութիւններու ընդունման համար անհրաժեշտ արձանագրուած ընտրողներուն 25 տոկոսի մասնակցութեան օրինաթիւը:
Նշուած է, որ 2,5 տարուան բարեփոխումներու հոլովոյթը այնքան ամբողջական չէր, խորհրդարանը ունէր ընդամէնը քանի մը շաբաթ բովանդակութիւնը քննարկելու համար եւ հանրային բանավէճը սահմանափակուեցաւ երկու ամիսով` դժուարացնելով համաձայնութեան ձեռք բերումը:sahmanatroutyoun
Յանձնախումբը կոչ կ՛ուղղէ իշխանութիւններուն` անդրադառնալու այս խնդիրներուն, որպէսզի վստահութիւն հաստատուի քուէարկութեան հոլովոյթին եւ քաղաքականութեան մէջ ընդհանրապէս` ապահովելու համար Հայաստանի իրական ժողովրդավարական ապագան:
Քուէարկութեան հոլովոյթին առնչութեամբ պատուիրակութիւնը կ՛ափսոսայ, որ իշխանութիւնները մտահոգ չէին դէպի նոր սահմանադրութիւն տանող հոլովոյթին անաչառութեամբ եւ նշած են քանի մը հարցեր.
– Ընտրացանկերուն մէջ անճշդութիւնները, հոն կային մնայուն կերպով Հայաստանէն դուրս բնակող կամ նոյնիսկ մահացածներու անուններ` հաստատելով այն պնդումները, որ այս անունները կ՛օգտագործուին այն մարդոց կողմէ, որոնք քանի մը անգամ կը քուէարկեն:
– Մեծ չափերու կազմակերպուած ընտրակաշառքներ, ընտրողներու վրայ ճնշում գործադրելու պնդումներ:
– Լրատուական դաշտը անգամ մը եւս հաւասար մօտեցում չունէր, եւ քաղաքական կուսակցութիւնները չեն կրցած կատարել իրենց պարտականութիւնները` հասարակութիւնը տեղեակ պահելու եւ զայն քուէարկութեան մղելու:
– Գործադիր մարմիններուն կողմէ վարչական կարողականութեան չարաշահում:
– Ընտրական պաշտօնեաներու ճնշումներու, կաշառելու պնդումները:
– Տեղամասային ընտրական պաշտօնեաներու վերապատրաստման թերութիւնները` յատկապէս հաշուարկի ընթացքին:
– Շարժական քուէարկութեան բացակայութիւնը բացառած է հաշմանդամ քաղաքացիներուն արդիւնաւէտ մասնակցութիւնը:
«Համեմատաբար ցած մասնակցութիւնը, բնակչութեան մօտ 50 տոկոս, արտացոլացումն է այն փաստին, որ հանրաքուէն պայմանաւորուած է քաղաքական շահերով: Այսպիսով, սահմանադրական բարեփոխութիւններու հիմնական առանցքը` նախագահական համակարգէն խորհրդարանական համակարգին անցումը, բազմաթիւ քաղաքացիներու կողմէ կը դիտուի իբրեւ ներկայի նախագահին իշխանութեան վրայ մնալու միջոց` անոր երկրորդ եւ վերջին ժամկէտին աւարտէն ետք », եզրակացուած է հաղորդագրութեան մէջ:sahmanatroutyoun2
Միւս կողմէ, միջազգային լրատուամիջոցներն ալ անդրադարձած են, տեղի ունեցած սահմանադրական բարեփոխումներու հանրաքուէի արդիւնքներուն:
«Պի.Պի.Սի.»-ի անգլերէն ծառայութիւնը կը նշէ, որ կիրակի օրուան հանրաքուէին Հայաստանի Հանրապետութեան քաղաքացիներուն մեծամասնութիւնը հաւանութիւն տուաւ վարչապետի դերին բարձրացման: Լրատուամիջոցը նաեւ կը տեղեկացնէ, որ որոշ ընդդիմադիր պատգամաւորներ հանրաքուէին յաջորդ օրը պոյքոթի ենթարկած են խորհրդարանի նիստը, իսկ աւելի առաջ բողոքի հաւաք կազմակերպուած էր մայրաքաղաք Երեւանի մէջ:
Լրատուամիջոցը կը մէջբերէ նաեւ Եւրոպական խորհուրդի Խորհրդարանական վեհաժողովի երեսփոխաններուն կարծիքը այն մասին, որ քուէացուցակներուն մէջ զեղծարարութիւններ կատարուած են:
«Պի.Պի.Սի.»-ի ռուսական ծառայութիւնը կը յայտնէ, որ հանրաքուէին մասնակցած ընտրողներուն մեծ մասը` 63,35 առ հարիւրը թեր քուէարկած է խորհրդարանական կառավարման ձեւին եւ մեծամասնական ընտրակարգի ջնջման: «Նախնական տուեալներու համաձայն, սահմանադրական փոփոխութիւններու նախագիծին կողմ քուէարկած է աւելի քան 825 հազար մարդ կամ քուէարկութեան մասնակիցներուն 63,35 առ հարիւրը»:
Ֆրանսական ԱՖՓ լրատու գործակալութիւնը կը հաղորդէ, որ Սահմանադրական բարեփոխումներով Հայաստանի Հանրապետութեան նախագահը պիտի ընտրուի խորհրդարանին կողմէ, եօթ տարուայ ժամկէտով` ներկայ հինգին փոխարէն: «Կառավարութիւնը յայտարարած է, որ փոփոխութիւնները անհրաժեշտ են քաղաքական համակարգը «ուշքի բերելու» եւ երկրին մէջ ժողովրդավարութիւնը ամրապնդելու համար: Սակայն ընդդիմութիւնը կը բարձրաձայնէ կեղծիքներու մասին: Նախագահ Սերժ Սարգսեան պաշտպանած է սահմանադրական փոփոխութիւններու նախաձեռնութիւնը` նշելով, որ նոր սահմանադրութիւնը աւելի պիտի հզօրացնէ ընդդիմութիւնը», կ՛ըսուի յօդուածին մէջ:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles