ԵՐԵՒԱՆ.- Միացեալ Նահանգներու Դեսպան Միլզ Հանդիպեցաւ Հ.Յ.Դաշնակցութեան Ներկայացուցիչներուն Հետ

0 0
Read Time:1 Minute, 19 Second

ԵՐԵՒԱՆ.- Հայաստանի մէջ Միացեալ Նահանգներու դեսպան Ռիչըրտ Միլզ, Մարտ 27-ին, այցելեց Հ.Յ. Դաշնակցութեան Հայաստանի Գերագոյն մարմնին: Ան հանդիպում ունեցաւ Հ.Յ.Դ. Բիւրոյի քաղաքական ներկայացուցիչ Արմէն Ռուստամեանի, Հ.Յ.Դ. Բիւրոյի անդամ Սպարտակ Սէյրանեանի եւ Հայաստանի Գերագոյն մարմինի ներկայացուցիչ, նախընտրական գրասենեակի պատասխանատու Աղուան Վարդանեանի հետ:
Ողջունելով դեսպանը` Հ.Յ.Դ. Հայաստանի Գերագոյն մարմինի ներկայացուցիչ Աղուան Վարդանեան ներկայացուց Դաշնակցութեան քարոզարշաւին ընթացքը, մօտեցումները, ապա կարեւոր նկատեց ընտրութիւններուն նկատմամբ հասարակութեան վստահութեան բարձրացումը: Վարդանեան շնորհակալութիւն յայտնեց միջազգային կազմակերպութիւններուն այն աջակցութեան համար, որուն շնորհիւ այսօր կեանքի կոչուած են ընտրական օրէնսգիրքի շարք մը պահանջներ, կարելի եղած է անհրաժեշտ արհեստագիտական միջոցներ ձեռք բերել:
Դեսպան Միլզ իր խօսքին մէջ ընդգծեց, որ Հայաստանի իւրաքանչիւր քաղաքացիի քուէն կենսական նշանակութիւն ունի: «Քուէարկելու իրաւունք ունեցող բոլոր մարդոց ես կը շարունակեմ յորդորել Ապրիլ 2-ին մասնակցելու քուէարկութեան` գիտնալով, որ անիկա փակ է եւ գաղտնի եւ, որ տեղամասերուն մէջ կիրարկուող նոր արհեստագիտութեամբ իրենց քուէարկութեան արդիւնքը պիտի չարձանագրուի: Շատ կարեւոր է, որ բոլոր կողմերը հանդէս գան պատասխանատու վերաբերմունքով եւ հետեւին օրէնքին թէ՛ քարոզչութեան շրջանին, եւ թէ՛ քուէարկութեան օրը: Հաւասարապէս կարեւոր է նաեւ այն, որ ընտրողներն ալ իրենց կարգին պատասխանատու ըլլան` կաշառք չընդունին եւ այսօր տրուող քանի մը դրամի դիմաց չվաճառեն իրենց երեխաներուն ապագան», նշեց ան:
Արմէն Ռուստամեան նշեց, որ Հայաստանի մէջ սկսած է որակական փոփոխութիւններու հոլովոյթ մը, որուն միայն մէկ մասն է նոր խորհրդարանի ձեւաւորումը: Սպարտակ Սէյրանեան նկատեց, որ թէեւ այս փուլին դժուար թէ բոլորը գիտակցին իրենց քուէի ուժը, բայց այլեւս յստակ է, որ նոր որակի իշխանութիւն ձեւաւորելը կարելի է: Հ.Յ.Դաշնակցութեան ներկայացուցիչները ընդգծեցին նաեւ, որ սուտ խոստումներ չեն տուած, ամբոխավարութիւն չեն կատարած, ե՛ ւ ընդդիմութիւն, ե՛ ւ իշխանութիւն եղած ժամանակ իրենց սկզբունքները չեն փոխուած:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post ՀԱՄԱՍԵԱՆԻ ԵԼՈՅԹԸ ՊՈՍԹԸՆԻ ՄԷՋ.- ՄԵԾՆ ՏԻԳՐԱՆԻ ԱՐՇԱՒԱՆՔԸ…
Next post ԱՐԴԱՐՈՒԹԵԱՆ ՃԱՄԲԱՅ ԲԱՑԷ՛Ք…

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles