ԵՐԵՒԱՆԻ ՄԷՋ ՃԱԶԻ ՓԱՌԱՏՕՆ

0 0
Read Time:52 Second

jazz

Երեւանի մէջ, այս տարուայ ճազի փառատօնը նուիրուած է անուանի ամերիկահայ երաժիշտ, «Կրեմմի» մրցանակի դափնեկիր Ճորճ Աւագեանին, որ կը համարուի ճազի հիմնադիրը:
Տարեկան դրութեամբ կատարուող այս փառատօնի կազմակերպիչներն են «Ճազի հայկական միութիւն»ը եւ «Մեցցօ Փրոտաքշըն» ընկերութիւնը՝ Երեւանի քաղաքապետարանի աջակցութեամբ:
Փառատօնի բացման օրը՝ Հոկտեմբերի 13-ին, «Մոսկուա» սրահին մէջ ելոյթ ունեցաւ աշխարհահռչակ երգչուհի Տի Տի Պրիճուոթըր: Անոր ընկերակցեցաւ տաղանդաւոր շեփորահար եւ երգահան Թէօ Քրոքըր: Բացման արարողութիւնը կատարեց Հայաստանի պետական ճազ նուագախումբը՝ Արմէն Հիւսնունցի գլխաւորութեամբ:
Հոկտեմբեր 14-ին կատարուեցաւ «Miles Ahead» ֆիլմի ցուցադրութիւնը: Այս ժապաւէնը կը ներկայացնէ աշխարհահռչակ ճազ երաժիշտ, շեփորահար Մայլս Տէվիսի ստեղծագործական կեանքի մասին: Նոյն օրը երեկոյեան Քասքատի Գաֆէսճեան արուեստի կեդրոնին մէջ տեղի ունեցաւ բացօթեայ համերգ, որուն մասնակցեցան Երուանդ Երզնկեանն ու Հանրային ձայնասփիւռի եւ հեռուստատեսութեան նուագախումբը, Արամ Վարդանին, «Իմէճին Պենտ»ը, Աստղիկ Մարտիրոսեանը, Տալանայ Գաբրիէլը, Մարինէ Յակոբեանը եւ «Արատա» համոյթը:
Հոկտեմբեր 15-ին փառատօնի ծիրէն ներս ելոյթ կ՚ունենան Հայաստանի ճազմենները, որոնց կարգին «Մալխաս Ճազ Պենտ»ը, Ալինա Ենգիբարեանը, Դաւիթճեան եղբայրները, «Չիքօ & Ֆրենտս»ը, եւ այլն:
Հոկտեմբեր 16-ին փառատօնը կ՚եզրափակէ բրիտանացի հանրայայտ երգչուհի, եւ դերասանուհի, «Կրեմմի» մրցանակի դափնեկիր Ճօս Սթոուն:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles