0
0
ԵՐԵՒԱՆ.- Յուլիս 12-ին տեղի ունեցաւ «Րատիսըն Պլու»ի բացման արարողութիւնը: Հիւրանոցի գլխաւոր տնօրէն Ճորճ Միուն լրագրողներու հետ զրոյցի ընթացքին ըսաւ, թէ հպարտ է, որ վերջապէս այս պանդոկը մուտք գործեց նաեւ հայրենի մայրաքաղաք:
Վաճառքներու պատասխանատու տնօրէն Մարիամ Ստամպոլցեանը յայտնեց, թէ հիւրանոցին մէջ ընդհանուր սենեակներուն թիւը 142-ն է, որոնց 19-ը բարձրակարգ համարներ են: Ան ըսած է, որ հիւրանոցը ունի վեց սրահներ, որոնց ամենամեծը կրնայ ընդունիլ երկու հարիւր հոգի: Պանդոկէն ներս, նաեւ կառուցուած են լողաւազան, մարզանքի յատուկ սենեակ եւ ճաշարաններ:
«Մենք կը ցանկանք մեր առանձնայատուկ ծառայութիւնները բերել Հայաստան: Կը կարծեմ, որ ամենագլխաւորը հիւրանոցի դիրքն է, որ կը գտնուի շատ հանգիստ տարածքի մէջ, եւ շատ կարճ ժամանակահատուածի մէջ կրնաք հասնիլ քաղաքի իւրաքանչիւր վայր: Ասիկա հիանալի նախապայման կը ստեղծէ, որ հնարաւորութիւն կու տայ Հայաստան բերելու նոր ճանապարհորդներ, որոնք կու գան թէ՛ գործի, թէ՛ ուղղակի հանգստանալու համար», շեշտեց տնօրէն Միուն:
Բացման հանդիսութեան ներկայ եղաւ նախագահ Սերժ Սարգսեան:
