0
0
Եօթներորդ արուեստի աշխարհին մէջ, ծանօթ Վալ Էյվըրի անունով, 85-ամեայ ամերիկահայ դերասան Սեպուհ Տէր Աբրահամեան մահացաւ Շաբաթ, Դեկտեմբեր 12ին:
Ծնած Յուլիս 14 1924-ին, Ֆիլատելֆիա, ան փոքր տարիքէն միացած էր Հայ Երիտասարդական Դաշնակցութեան շարքերը: Սեպուհ, երիտասարդ տարիքէն մուտք գործած է դերասանական ասպարէզ եւ սկսած է Հայկական միջավայրէն ներս: Ապա Համաշխարհային Բ. պատերազմին մասնակցելէ ետք, ան վերադարձած ու միացած է Ֆիլատելֆիոյ Պեսի Հիքս թատերական դպրոցը:
Հեռատեսիլի յայտագրերու կողքին, ան նաեւ դեր ստանձնած է ժապաւէններու մէջ, որոնց կարգին յատկապէս.- The Long, Hot Summer (1958), The Magnificent Seven (1960), Requiem for a Heavyweight (1962) The Wanderers (1979) and Donnie Brasco (1997), ինչպէս նաեւ հեռատեսիլի համար պատրաստուած Gunsmoke, The Twilight Zone, The Munsters, Columbo, եւ Law & Order յայտագրերուն մէջ:
Ան աշխատակցած է Ճոն Քասավիթէսի հետ եւ դեր ստանձնած անոր (Too Late Blues (1961), Faces (1968), Minnie and Moskowitz (1971), The Killing of a Chinese Bookie (1976) and Gloria (1980). գործերուն մէջ: Ան նաեւ դերեր ստանձնած՝ Համֆրի Պոկարթի, Փոլ Նիումընի, Սիտնի Փուաթիէի եւ Փիթըր Ֆոլքի հետ: Ընդամէնը հարիւր ժապաւէններէ եւ երեք հարիւր հեռատեսիլի համար պատրաստուած գործերէ ներս, դերեր ստանձնած, ան համակրելի եւ իր շրջանակէն ներս սիրուած տիպար մըն էր:
