«ԳԱԼՈՒՍՏ ԿԻՒԼՊԷՆԿԵԱՆ» ՀԻՄՆԱՐԿՈՒԹԻՒՆ.- ԼԻԶՊՈՆԻ ՄԷՋ «ՀԱՅԵՐԸ 2115ԻՆ» ՌԱԶՄԱՎԱՐԱԿԱՆ ՍԵՄԻՆԱՐ

0 0
Read Time:1 Minute, 54 Second

 

pt1 ԼԻԶՊՈՆ.- «Գալուստ Կիւլպէնկեան» Հիմնարկութեան Հայկական Համայնքներու Բաժանմունքը, Հոկտեմբեր 24-ին լոյս ընծայած մամլոյ հաղորդագրութեամբ մը, կը տեղեկացնէ թէ, հայ ղեկավարներու երկօրեայ եզակի սեմինար մը հիւրընկալած է։

Մասնաւոր հրաւէրով կազմակերպուած Հոկտեմբեր 13-14ի հաւաքոյթը բարձր մակարդակի հաւաք մըն էր, ուր ապագայի տեսիլքով ռազմավարական քննարկումներ տեղի ունեցան առանձնացած միջավայրի մը մէջ։

Մասնակիցներուն կիզակէտը հայաշխարհը յուզող ու ձեւաւորող միտումներ էին։ Հայութեան վրայ ներգործող բանալի հարցեր, ինչպէս Թուրքիա, Ռուսաստան, Ատրպէյճան, Վրաստան, Եւրոպա, Միջին Արեւելք, Հայաստան եւ Սփիւռք տեղի ունեցող իրադարձութիւններ, ուրուագծուեցան մասնագէտ համակարգողներու կողմէ։

Քննարկուած հարցերուն շարքին էին Սփիւռքի յարաբերութիւնը Հայաստանի կառավարութեան ու քաղաքացիական ընկերութեան հետ, դիմակայումը Թուրքիոյ, Ատրպէյճանի եւ Վրաստանի հետ, սփիւռքեան համայնքներու պահպանման հեռանկարները եւ ինքնութեան բանաձեւումներ։ Անոնք փոխկապակցուած էին ապագայի հնարաւոր բեմագիրներու հետ, որոնք կը ներառնեն ռուսական ազդեցութիւնը Հայաստանի մէջ, Թուրքիոյ ժողովրդավարական զարգացումը, Ատրպէյճանի հետ պատերազմի սպառնալիքը, միջինարեւելեան հակամարտութիւններուն ներգործութիւնը հայոց վրայ եւ Եւրոպական Միութեան ներքին հոլովոյթները։ pt2

Սեմինարին մասնակցող քառասուն անձերը աշխարհասփիւռ հայութեան բոլոր շրջանները կը ներկայացնէին՝ Եւրոպա, Հիւսիսային եւ Հարաւային Ամերիկա, Թուրքիա, Միջին Արեւելք, Ռուսաստան եւ, անշուշտ, Հայաստան։ Սփիւռքի մտաւորական ու համայնքային գլխաւոր միտումները ամբողջութեամբ ներկայ էին։ Որոշ ոչ-հայ մասնագէտներ հրաւիրուած էին որպէս համակարգողներ։

Բոլոր մասնակիցները համաձայն էին, որ ժողովը հիմնական կարեւորութիւն ունէր եւ որ քննարկումները պէտք է շարունակուին կանոնաւոր կերպով։ Առաջարկուեցաւ, որ նախաձեռնութիւնը ժողովներու շարքի մը վերածուի, նման՝ Տաւոսի միջազգային տարեկան հաւաքոյթին, ռազմավարութեան շուրջ վիճելու, գործունէութիւն համադրելու եւ տեղեկութիւններ կիսելու համար։

«Այդպիսի ընտիր եւ այլազան խումբ մը մարդոց մէկտեղումը սենեակի մը մէջ, հայ ժողովուրդի՝ հայրենիքի եւ սփիւռքի ապագան քննարկելու համար, իսկական առանձնաշնորհում մըն էր եւ եզակի փորձառութիւն մը», յայտնեց «Գալուստ Կիւլպէնկեան» Հիմնարկութեան հոգաբարձու եւ սեմինարի հիւրընկալողներէն Մարթին Էսայեանը։ «Մասնակիցներէն շատերը պատրաստ են շարունակելու իրենց յանձնառութիւնը եւ շնորհաւորեցին Հիմնարկութիւնը՝ հաւաքոյթը կազմակերպելու կարողութեան համար։ Ժողովը որոշապէս ցոյց տուաւ Հայկական Համայնքներու Բաժանմունքին նոր ուղղութիւնը որպէս դերակատար ու համախմբող, աւելի քան պարզ նուիրատու մը, հայաշխարհի մէջ»։

Սեմինարին արձանագրութիւններուն տեղեկագիրը պիտի հրատարակուի յետագային։

Սեմինարին մասնակցողներն էին՝ Մ. Էսայեան եւ Ռ. Փանոսեան (հիւրընկալներ), Փ. Ագըլեան, Ա. Անտոնեան, Ռ. Արտալճեան, Ն. Աֆէեան, Ժ. Գարասլանեան, Ռ. Գէորգեան, Մ. Գրիգորեան, Ն. Դաւիթեան, Ե. Զօրեան, Խ. Թէօլէօլեան, Ա. Իշխանեան, Ժ. Լիպարիտեան, Ք. Խաչիկեան, Ֆ. Մ. Կէօչէք, Ճ. Հիւզ, Ս. Ղազարեան,  Օ. Ղազարեան, Ե. Ճէրէճեան, Ռ. Մարկոսեան, Վ. Ս. Մարքէս, Ս. Միրոնիւք, Վ. Յովսէփեան, Ա. Նալճը, Ա. Չալապեան, Վ. Չեթերեան, Հ. Չիլինկիրեան, Հ. Չոպոյեան, Գ. Պարտագճեան, Պ. Պուսեթօ, Ա. Ջիլաւեան, Ս. Սամուէլեան, Ս. Սիմոնեան, Խ. Տէր Ղուկասեան, Տ. Տինք, Ս. Փանոսեան, Վ. Փափազեան, Թ. տէ Վաալ, Ռ. Վարդանեան։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles