ԲԵՆՕ ԹՈՆԴԵԱՆԻ ՀՐԱԺԵՇՏԸ

0 0
Read Time:46 Second

peno tontian2

Մասնագիտութեամբ ճարտարագէտ, Բենօ Թոնդեան միշտ ալ կառչած մնաց իր ազգին եւ մանաւանդ կուսակցութեան՝ Հ.Յ.Դ.-ին: Այսպէս, կեանքէն անժամանակ հեռացաւ ուսուցիչ, Հ.Յ.Դ. Բիւրոյի ու Համազգայինի Կեդրոնական վարչութեան գործավար, «Ազդակ» օրաթերթի ու «Վանայ ձայն» ձայնասփիւռի կայանի տնօրէն ու ազգային շինարարական ծրագիրներու վերահսկիչ՝ Բենօ Թոնդեանը:
Համազգայինի Նշան Փալանճեան Ճեմարանի շրջանաւարտ, ան միշտ ալ լուսարձակներէ հեռու կը գործէր, տրամադրելով իր բազմակողմանի գիտելիքները:
Արցախեան շարժման եւ 1988-ի Հայաստանի երկրաշարժի հետեւանքներու վերացման աշխատանքներուն, Հայաստանի եւ Արցախի անկախացման համար պայքարին, պետականութեան կայացման օրերուն, Բենօ Թոնդեան բերաւ անվերապահ ու գործօն մասնակցութիւն, թէ՛ իբրեւ անդամ Հ.Յ.Դ.-ի այլազան մարմիններուն, եւ թէ՛ Բիւրոյի ներկայացուցիչ:

Յուղարկաւորութեան արարողութիւնը կատարուեցաւ, Չորեքշաբթի, Դեկտեմբեր 17-ին, Սուրբ Նշան Մայր եկեղեցւոյ մէջ, ուրկէ հանգուցեալին մարմինը փոխադրուեցաւ եւ ամփոփուեցաւ Պուրճ Համուտի Ազգային գերեզմանատան Հ.Յ.Դ. պանթէոնին մէջ:

ՄԱՀԱԶԴ

Հ.Յ.Դ. Բիւրոն ցաւով կը գուժէ Բիւրոյի նախկին ներկայացուցիչ ընկ. Բենօ Թոնդեանի անակնկալ մահը, որ պատահեցաւ Երկուշաբթի, Դեկտեմբեր 15, 2014ին։
Հ.Յ.Դ. ԲԻՒՐՕ

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles