ԲԱՆԱՒՈՐ ԲԱՑԱԿԱՅՈՒԹԵԱՆ ՓՈԽԱՐԷՆ…

0 0
Read Time:1 Minute, 31 Second

khemp

ՀԱՅՐԵՆԻՔ

Օգոստոս 31, 2014

Խմբագրական

 

Քաղաքականութիւն կոչեցեալ բնագաւառին մէջ, դաւը՝ դաւանանք է եւ այնքան մը լեցուն ծուղակներով, որ նոյնիսկ թակարդ լարողն անգամ նոյնինքն թակարդին մէջ ինկած կ՛ըլլայ, եւ արձակած նետը վերադառնալով եւ արձակողին հարուածելով, կրնայ վերածուած ըլլալ անբաղձալի ՝՝պումըրանկ՝՝ի (…գէթ որ միայն արձակողին կողմէ):

Նմանօրինակ թնճուկ մը ստեղծուեցաւ վերջերս, Օգոստոս 28-ին, երբ Հայաստան մասնակցեցաւ Թուրքիոյ նախկին վարչապետի նախագահ ձեռնադրման պաշտօնական հանդիսութեան, ներկայացուցչութեամբ Արտաքին Գործոց նախարար Եդուարդ Նալպանտեանի:
Իննիսունի շուրջ երկիրներ մասնակցեցան, մայրաքաղաք Անգարայի մէջ կատարուած, Ռեճէպ Թայիպ Էրտողանի պաշտօնական երդման արարողութեան, որոնց կարգին նախագահներ, վարչապետներ, արտաքին գործոց նախարարներ, կամ պարզապէս քաղաքական գործիչներ:
Հայաստանի Արտաքին Գործոց նախարար Նալպանտեան, այս առթիւ Էրտողանի հետ կարճ զրոյցի մը առիթը ստեղծելով, յանձնեց Հ.Հ. նախագահ Սերժ Սարգսեանի պաշտօնական հրաւէրը, յառաջիկայ Ապրիլ 24-ին, ներկայ գտնուելու, Երեւանի մէջ կազմակերպուելիք Հայոց Ցեղասպանութեան զոհերու յիշատակին նուիրուած ոգեկոչման արարողութեան:
Ինչպէ՞ս կարելի է վերլուծել Հայաստանի Հանրապետութեան դիրքորոշումը՝ Արտաքին Գործոց նախարարի մակարդակով մասնակցելու որոշոււմին առնչութեամբ:
Միջազգային ընտրանիի ստուար ներկայութեան մէջ, Հայաստանի կողմէ որքան ազդեցիկ ըլլար բանաւոր բացակայութիւն մը, այդքան “ներկայութիւն“ կ՛ըլլար հայն ու Հայ Դատը:
Այսինքն որքան համեմատաբար աւելի երկրորդական մակարդակի ներկայացուցիչ մը ներկայ ըլլար, օրինակի համար նոյնինքն արտաքին գործոց նախարարութեան գրասենեակէն ներկայացուցիչ մը կամ այլ մօտակայ երկիրներէ Հայաստանի Հանրապետութիւնը ներկայացնող հիւպատոս մը, այդչափ աւելի պարզաբանուած կ՛ըլլար երկու երկիրներուն միջեւ ստեղծուած գոյավիճակն ու իսկական պատկերը:
Հոս հարցադրել թէ, յառաջիկայ Ապրիլեան ձեռնարկներու հրաւէր մը, յանձնուած Հայաստանի Հանրապետութիւնը ներկայացնող, համեմատաբար աւելի անծանօթ հայորդիի մը կողմէ, կրնար ազդե՞լ այդ հրաւէրի առաջնահերթութեան եւ կարեւորութեան վրայ:
Պատասխանը…Ամենայն յստակ տրամաբանութեամբ կարելի է բանաձեւել, թէ հրաւէրը յղուած է Հայաստանի Հանրապետութեան նախագահին կողմէ: Այս պարագային զայն յանձնողն ու փոխանցողը երկորդական դեր ունի:
Հետեւաբար, այս իրադարձութիւններու լոյսին տակ, կարելի է հաստատօրէն հետեւցնել ու եզրակացնել թէ շատ աւելի լաւ պիտի ըլլար, կարելի եղածին չափ բարձր մակարդակի բանաւոր բացակայութեամբ կամ գէթ միջազգային դիւանագիտական “փրոթոքոլ“ը յարգելով, պարզապէս շնորհաւորական նամակով մը ներկայանալ, Անգարայի մէջ կատարուած այս երդման արարողութեան:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles