0
0
Հակառակ աննպաստ օդին, Ա.Մ.Ն. Արեւելեան շրջանի Հ.Մ.Ը.Մ.-ի 25-րդ Շրջանային բանակումը տեղի ունեցաւ Ուաշինկթընի “Քէմփ Սփենսըր“ բանակավայրին մէջ, մասնակցութեամբ զանազան մասնաճիւղերէ ժամանած սկաուտ-արենոյշներու:
Մօտաւորապէս հինգ օրերու ընթացքին` Օգոստոս 17-էն 21, բանակողները հետեւեցան զանազան ձեռնարկներու: Կատարուեցան դասախօսութիւններ, զեկուցումներ եւ սկաուտական մրցումներ: Բանակումին խմբապետական կազմը կը բաղկանար Յովսէփ Մինասեանէ, Լօրի Փիլիպոսեանէ եւ Ռաֆֆի Ռշտունիէ:
Փակման հանդիսութիւնը կատարուեցաւ Կիրակի, Օգոստոս 21-ի երեկոյեան, որուն ընթացքին խօսք առին բանակումի ընդհանուր խմբապետ Յովսէփ Մինասեան, շրջանի ընդհանուր պատասխանատու` Ալին Պաղտասարեան, Սկաուտական Խորհուրդի ներկայացուցիչ Հեղիկ Մարկոսեան, շրջանի “Սեպուհ“ Կոմիտէութեան ներկայացուցիչ Յովսէփ Աւագեան եւ հովիւ Տէր Սարգիս Ագթաւուքեան: Կատարուեցաւ մրցանակներու բաշխում եւ խարոյկի շուրջ հանդէս:
