Արցախի Մէջ.- Հ.Յ.Դ. Մարմիններու Խորհրդաժողով
Մարտ 22, 2014-ին, Ստեփանակերտի մէջ իր աշխատանքները սկսաւ ՀՅԴ մարմիններու խորհրդաժողովը, որուն օրակարգին գլխաւոր հարցերն են Լեռնային Ղարաբաղի Հանրապետութեան հզօրացման եւ Արցախեան ազատամարտի ձեռքբերումներու ամրապնդման հրամայականները, թուրք-ատրպէյճանական հակահայ արշաւին դէմ պայքարի ծրագիրները:
Հ.Յ.Դ. Բիւրոյի հրաւէրով եւ ՀՅԴ Արցախի Կեդրոնական կոմիտէի հիւրընկալութեամբ գումարուող խորհրդաժողովին կը մասնակցին Հ.Յ.Դ. բոլոր` տասներկու Կեդրոնական կոմիտէներու, Հայաստանի Գերագոյն մարմնի եւ կազմակերպական այլ շրջաններու ներկայացուցիչներ եւ հրաւիրեալ պատասխանատու ընկերներ, ընդհանուր` շուրջ 60 մասնակից:
Ժողովը պիտի անդրադառնայ նաեւ տարածաշրջանին մէջ վերջին զարգացումներուն, Սուրիոյ հայութեան աջակցութեան աշխատանքներուն, ինչպէս նաեւ կուսակցական կազմակերպական շարք մը ծրագիրներու:
Հ.Յ.Դ. Մամլոյ Դիւան
Մարտ 22 , 2014, Ստեփանակերտ
