ԱՐԵՒԵԼԵԱՆ Ա.Մ.Ն.-Ի ՀԱՅ ԴԱՏԻ ՅԱՆՁՆԱԽՈՒՄԲԻ ՏԱՐԵԿԱՆ ՄԵԾԱՐԱՆՔԻ ՀԱՆԴԻՍՈՒԹԻՒՆԸ՝ ՏԻԹՐՈՅԹԻ ՄԷՋ

0 0
Read Time:3 Minute, 39 Second

11224780_10153385693411859_957979251659520154_o

 

ԹՂԹԱԿԻՑ

Շաբաթ, Նոյեմբեր 14-ին, Տիթրոյթի մէջ, տեղի ունեցաւ Արեւելեան շրջանի Հայ Դատի յանձնախումբի կազմակերպած մեծարանքի հանդիսութիւնը:
Ձեռնարկը, որ յաջորդաբար իններորդ անգամ ըլլալով կը կատարուէր, տեղի ունեցաւ, քաղաքի կեդրոնական շրջանի շքեղ «Ուեսթին» պանդոկի սրահին մէջ: Շրջանէն ներս գործող քաղաքական անձնաւորութիւններ ներկայ էին:12227549_10153385694376859_6285879827442032588_n
Ա.Մ.Ն. Արեւելեան Շրջանի Բարեջան Առաջնորդ Արքեպիսկոպոս Օշական Չօլոյեան կատարեց Տէրունական աղօթքը, որմէ ետք պաշտօնապէս բացուած նկատուեցաւ մեծարանքի երեկոն: Օրուան հանդիսավարն էր Քալիֆորնիայէն ժամանած հանրածանօթ բեմադրիչ՝ Էրիք Նազարեան, որ ամենայն բծախնդրութեամբ կատարեց իր աշխատանքը : ANCAER_Banquet_GroupShot_print (1)
Մեծարանքի հանդիսութեան կազմակերպող յանձնախումբին անունով՝ Անի Պօղիկեան-Գասպարեան, բեմ հրաւիրեց Նազարեանը, որ իր խօսքին մէջ տեղեկացուց թէ Հայ Դատի յանձնախումբերուն եւ գրասենեակներուն գործունէութիւնը հետզհետէ աւելի կը ծաւալի Ցեղասպանութեան ճանաչման եւ յատկապէս հատուցման խնդիրներու բարձրացման, ինչպէս նաեւ հատուցում եզրը սահմանելու ուղղութեամբ: «Յատկապէս այս տարի, Հայոց Ցեղասպանութեան հարիւրամեակին առթիւ, շատ ծանր եղաւ Հայ Դատի յանձնախումբերու աշխատանքը, որ դեռ ալ երկար ճամբայ ունի կտրելիք», յայտնեց ան: Ապա քանի մը վայրկեան, ներկաները ըմբոշխնեցին վաւերագրական կարճ ժապաւէն մը, որ կը ներկայացնէր այս տարեշրջանի ընթացքին պատահած անցուդարձերը:12227741_10153385694511859_5102640592592661774_n12246956_10153385695356859_1711110661746151389_n12241749_10153385694691859_8094828111054044113_n
Մեծարանքի հանդիսութեան կազմակերպող յանձնախումբին անունով, խօսք առաւ Յովիկ Գույումճեան, որ իր կարգին հրաւիրեց Հայ Դատի Ուաշինկթընի Յանձնախումբի կեդրոնական գրասենեակի վարիչ պատասխանատու Արամ Համբարեանը: Այս վերջինը իր տպաւորիչ խօսքը սկսաւ, նշելով թէ երկու երիտասարդ սահմանապահ զինուորներ վերջերս մահացած են Արցախի սահմանին մօտ եւ յայտնեց թէ նմանօրինակ դէպքեր հետզհետէ կը կրկնուին, որոնք ցոյց կու տան թէ շրջանէն ներս խաղաղութիւն հաստատելու ճիգերը կը մնան միշտ ալ հարցական:12244389_10153385692626859_2954160284085667286_o
Նախապէս պատրաստուած ժապաւէնով մը, ներկաները լսեցին Շրջանի ներկայացուցիչներէն՝ Տէյվ Թրոթի խօսքը, որ ոչ թէ միայն կը շնորհաւորէր Հայ Դատի այս մեծարանքի հանդիսութիւնը, այլ նաեւ կը նախանձէր անոր կատարած գործունէութեան վրայ: Ան աւելցուց թէ մարդկութեան խիղճը, կը մնայ անհանգիստ եւ ամենայն պատշաճութեամբ, պէտք է որ ճանչցուի այս մարդկային սպանդը:
Ապա մեծարանքի հանդիսութեան կազմակերպող յանձնախումբի քարտուղար Լարա Ներսէսեան բեմ հրաւիրեց Միշիկընի 39-րդ շրջանի ներկայացուցիչ Քլինթ Քեսթօն, որ յայտնեց թէ պահած ըլլալով իր ասորի արմատները, երբեք օտար չի զգար եւ լաւապէս կը հասկնայ այսօրուայ հաւաքին խորհուրդը: Նաեւ, ան շնորհակալութիւն յայտնեց թէ, շարունակ շրջանի հայ գաղութը թիկունք կանգնած է իր կատարած աշխատանքներուն: «Ես ալ իմ կարգիս, պատրաստ եմ ամէն գնով օժանդակելու», նշեց ան:10455336_10153385694741859_5039720371004028395_n12239757_10153385694781859_6472202282917275452_n12239232_10153385692121859_8270258476383196003_o
«Վահան Քարտաշեան» շքանշանը ստացաւ, աւելի քան յիսուն տարիէ ի վեր Հայ Դատին եւ յատկապէս Միշիկընի շրջանէն ներս հայութեան համար գործած Արմէն Թոփուզեանին, որ ժամանած էր ընտանեկան պարագաներով: Ներսէս Կէտիկեան ներկայացուց Թոփուզեանի կեանքը եւ ապա զինք բեմ հրաւիրեց յանձնելու յուշանուէրը: Կարճ, սակայն տպաւորիչ ելոյթով մը, Թոփուզեան յայտնեց թէ, իրեն համար, տասնամեակներ շարունակ այդպէս եղած է ապրելաձեւը՝ մնալ հայ, պահել ամատներն ու շարունակ գործել ի նպաստ Հայ Դատին:
«Ժառանգութիւն» շքանշանը վերապահուած էր վերջերս մահացած Ճոն Քեչիկեանին: Փօլ Պարտիզպանեան ներկայացուց լուսահոգի հայորդին, ապա բեմ հրաւիրեց անոր զաւակը՝ Վահէն որպէսզի փոխանցէ իր սրտի խօսքը: Վահէ Քեչիկեան խորին շնորհակալութիւն յայտնեց եւ աւելցուց թէ, իր հօր ջահը բարձր պիտի պահէ, շարունակ ծառայելով Հայ Դատին:12219333_10153385694641859_2752872109759441322_n12235140_10153385695261859_5134621639992106806_n12239566_10153385694596859_6420004871755677754_n
«Ազատութիւն» շքանշանով պարգեւատրուեցան միջազգային համբաւ վայելող՝ իրաւագէտ եւ մարդկային իրաւունքներու պաշտպան՝ Ֆեթհիյէ Չեթինը, եւ Միացեալ Նահանգներու Ներկայացուցիչներու տան մեծամասնութեան նախկին ղեկավար Տէյվիտ Պոնիըր: Այս վերջինը, պայմաններու բերմամբ չկրցաւ ներկայ ըլլալ, եւ յատկապէս այս առթիւ պատրաստուած տեսաներիզը ներկայացուեցաւ: Իր խօսքին մէջ, Պոնիըր անդրադարձաւ Հայ Դատի գործունէութեան մասին: Ան շեշտեց թէ, հետեւողական աշխատանքի արդիւնք, դեռ վերջերս Փարակուայի Խորհրդարանը, միաձայնութեամբ ճանչցաւ Հայոց Ցեղասպանութիւնը:12238244_10153385691626859_1085335399832820651_o


Ֆեթհիյէ Չեթին թրքերէնով խօսք առաւ, որ տեղւոյն վրայ թարգմանուեցաւ յատուկ թարգմանիչի մը կողմէ:
«Երբ իմացայ մեծ մօրս պատմութիւնը, շատ երիտասարդ էի, շատ զայրացայ, մանաւանդ որ կառավարութեան ալ դէմ էի. եթէ այդ ժամանակ գրի առած ըլլայի այդ հարցերը, իմ գրութեան ձեւս վրէժխնդրական պիտի ըլլար, սակայն տարիներու ընթացքին ես ալ հասունցայ, այս բոլորը ապրելէ ետք աւելի հանդարտեցայ եւ ըսի, որ իմ մտածումս պիտի չգրեմ, այլ մեծ մօրս ապրումները պիտի արձանագրեմ, իր կեանքին վկայութիւնը, որովհետեւ այս պատմութեան ճշմարտութիւնը մարդոց սրտերուն պիտի դպչի», ըսաւ Չեթին:
Յատուկ շքանշան մը յանձնուեցաւ Պոլսոյ «Նոր Զարթօնք» շարժումի պատասխանատու խօսնակ Սայաթ Թաքիրի, որ անդրադարձաւ Պոլսոյ «Արմէն» ճամբարի մասին: 12240922_10153385692091859_5501456379357127686_o12274199_10153385694411859_5282508494777541843_n12241398_10153385694461859_1852373532125458602_n
«Արմէն ճամբարը վերածեցինք վայրի մը, ուր հայերու վերաբերեալ ամէն ինչ կը խօսուի: Այնտեղ բանավէճեր կազմակերպեցինք, մշակոյթին ու պատմութեան վերաբերող ձեռնարկներ ըրինք: Շաբաթուան, վերջերուն տարբեր ժողովուրդներու զաւակներ ի մի եկան: Երբ մէկ կողմը քանդուած էր, միւս կողմը երեխաներուն եւ անոնց ծնողներուն համար ճամբար մը դարձաւ, ուր մարդիկ կու գային հայերու մասին բաներ մը սորվելու: Այս դիմադրութեան դրական աւարտով` հայերը առաջին անգամ կրցան դիմադրութեան միջոցով յաջողութեան հասնիլ: Հայերուն մէջ դիմադրութեան մշակոյթը մտցնելով է, որ պիտի արժեւորուի այս գործընթացը», յայտնեց ան շնորհակալութիւն յայտնելով Հայ Դատի Յանձնախումբին:12239288_10153385687491859_1620760439226758511_o
Փակման խօսքը փոխանցեց, Ա.Մ.Ն. Արեւելեան Շրջանի Կ.Կ.-ի ներկայացուցիչ Հայկ Օշականը, որ կոչ ուղղեց ամէն գնով շարունակելու աշխատանքը: Ան շնորհակալութիւն յայտնեց կազմակերպող յանձնախումբին, որ լաւապէս կազմակերպած էր այս մեծարանքի ձեռնարկը:
Աւարտին աղօթքը կատարեց Ա.Մ.Ն. Արեւելեան Շրջանի Բարեջան Առաջնորդ Արքեպիսկոպոս Օշական Չօլոյեան:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles