0
0
ՊՈՍԹԸՆ․- Յատուկ հաղորդագրութեամբ մը, Արեւելեան Ա․Մ․Ն․-ի Հ․Օ․Մ․-ը կը տեղեկացնէ, թէ Հոկտեմբեր 2-ին պիտի պատուէ շրջանի գործօն անդամներէն՝ Անժէլ Մանուկեանը (Ֆլորիտա), տասնեակ տարիներէ ի վեր կատարած իր հետեւողական աշխատանքին համար։
1968-էն ի վեր Հ․Յ․Դ․-ի եւ Հ․Օ․Մ․-ի անդամ, Անժէլ Մանուկեան (Առաքելեան), իր կողակից՝ Մկրտիչին հետ, առաջին հերթին Տիթրոյթի մէջ, տարիներ շարունակ ծառայեց եւ ապա փոխադրուեցաւ Ֆլորիտա, ուր նոյն թափով գործեց։ Սպիտակ երկրաշարժէն մինչեւ Արցախի պատերազմի օրերը, Անժէլ Մանուկեան հետեւողական ձեւով գործեց։
«Կարելի չէ բացատրել եւ նկարագրել ընկերուհի Անժէլի ունեցած ներդրումը։ Կառչած իր ազգին, երկրին եւ Հայ Օգնութեան Միութեան, Անժէլ ինքնավստահութիւն ներշնչող եզակի տիպար մըն է», կը յայտնէ Արեւելեան Ա․Մ․Ն․-ի Հ․Օ․Մ․-ի ներկայացուցիչ Անի Աթթար։
