ԱՐԵՒԵԼԵԱՆ Ա․Մ․Ն․-Ի ԵՐԻՏԱՍԱՐԴԱԿԱՆԻ ԱՆԴԱՄ ԱՐԵՆԻ ՄԱՐԿՈՍԵԱՆԻՆ ԱՐԳԻԼՈՒԵՑԱՒ ՄՈՒՏՔ ԳՈՐԾԵԼ Հ․Հ․

ԵՐԵՒԱՆ․- Օգոստոս 2-ի վաղ ժամերուն,Արեւելեան Ա․Մ․Ն․-ի Հայ Երիտասարդական Միութեան Կեդրոնական Վարչութեան անդամ Արենի Մարկոսեանին արգիլուեցաւ մուտք գործել Հայաստան։ Ան ժամանած էր, օր մը առաջ եւ գիշերած էր օդակայանին մէջ, յոյս ունենալով, որ առաւօտեան կարելի պիտի ըլլար հարցը լուծել եւ մուտք գործել հայրենի հող։ Մարկոսեան Պէյրութէն՝ Տուպայի ճամբով ժամանած էր Երեւան։ Ըստ սովորութեան, ոչ մէկ բացատրութիւն փոխանցուեցաւ տեղւոյն ոստիկանութենէն, ապահովական ուժերէն եւ ազգային անվտանգութեան ծառայութենէն (Ա․Ա․Ծ․) ։ Արեւելեան Ա․Մ․Ն․-ի Հ․Յ․Դ․ Կեդրոնական Կոմիտէն հաղորդագրութիւն մը լոյս ընծայեց անգլերէն լեզուով եւ բռնօրէն քննադատեց պատահածը շեշտելով, թէ այս օրերուն, երբ անտեղի եւ անիմաստ երիտասարդական համահաւաքներ կը կազմակերպուին, Հայաստանի ներկայ ղեկավարութիւնը կը մերժէ Հայ Դատին նուիրեալ երիտասարդուհիի մը մուտքը իր պաշտած հայրենի հողը։ «Արենի ոչ մէկ ոճիր գործած է, այլ պայքարած է յանուն Արցախին, բան մը որ դժբախտաբար կը հակասէ վարչապետ Փաշինեանի գործընթացին։ Արեւելեան Ա․Մ․Ն․-ի Հ․Յ․Դ․ Կեդրոնական Կոմիտէն, Հայաստանի Հ․Յ․Դ․-ի ընտանիքն ու Բիւրոյի երտասարդական գրասենեակը, մօտէն կապ հաստատեցին Արենիին հետ, որ ստիպողաբար վերադարձաւ Լիբանան։․․․Այս ահաւոր եւ ընդվզեցուցիչ որոշումը՝ կատարուած Փաշինեանի ղեկավարութեան կողմէ լուսաբանութեան եւ յաւելեալ բացատրութեան կը կարօտի։ Արեւելեան Ա․Մ․Ն․-ի Հ․Յ․Դ․ Կեդրոնական Կոմիտէն բռնօրէն կը դատապարտէ այս որոշումը եւ կոչ կ՛ուղղէ համայնքի անդամներուն և դաշնակիցներուն միանալ՝ դատապարտելու Արենիի դէմ առնուած այս անարդար որոշումը», կը նշուի հաղորդագրութեան մէջ։ Հ․Յ․Դ․ Բիւրոյի Երիտասարդական գրասենեակն ալ, այս գծով հաղորդագրութիւն մը հրատարակած էր, բողոքելով, թէ այս նենգ գործելաձեւը, որ կը կիրարկուի Հայաստանի ներկայ իշխանութիւններուն կողմէ, անոր հակահայ դիրքաւորման արտացոլումներէն է եւ կը նպատակադրէ հնարաւոր բոլոր միջոցներով եւ տարբեր մակարդակներու վրայ փորձել կասեցնել եւ խոչընդոտել Հ.Յ.Դ. Երիտասարդական համաշխարհային կառոյցի աշխատանքները: Նշենք, թէ նախապէս ալ նմանօրինակ կացութիւններ ստեղծուած էին, երբ Հ.Յ.Դ. Բիւրոյի անդամ ընկեր Մուրատ Փափազեանի, Հ.Յ.Դ. Հոլանտայի «Գարեգին Նժդեհ» երիտասարդական միութեան անդամ Սիւնէ Աբրահամեանի, Հ.Յ.Դ. Հոլանտայի Հայ Դատի ատենապետ ընկեր Մասիս Աբրահամեան, Հ.Յ.Դ. Ֆրանսայի «Նոր Սերունդ» Երիտասարդական միութեան ատենապետ Նժդեհ Գարագաւորեանին եւ Հ.Յ.Դ. Հոլանտայի կառոյցի անդամ ընկեր Ասլան Ասլանեանին մուտքը արգիլուած էր։

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է

ԱՐԵՒԵԼԵԱՆ Ա․Մ․Ն․-Ի ԵՐԻՏԱՍԱՐԴԱԿԱՆԻ ԱՆԴԱՄ ԱՐԵՆԻ ՄԱՐԿՈՍԵԱՆԻՆ ԱՐԳԻԼՈՒԵՑԱՒ ՄՈՒՏՔ ԳՈՐԾԵԼ Հ․Հ․

This story is FREE for you...

Leave a Reply

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

This story is FREE for you...

Leave a Reply

Նմանատիպ Յօդուածներ

ԱՐԱՄ Ա. ԿԱԹՈՂԻԿՈՍ ԸՆԴՈՒՆԵՑ ԼԻԲԱՆԱՆԻ ՄՕՏ Ա․Մ․Ն․-Ի ԴԵՍՊԱՆԸ

Ուաշինկթըն․- Հայ Դատի Յանձնախումբը Հրապարակեց Ա․Մ․Ն․ Քոնկրէսի Անդամներուն Գնահատականներն Ու Ընտրութիւններուն Զօրակցած Թեկնածուներու Ցանկը

ԽՈՐԷՆ ԱՐՔ. ՏՈՂՐԱՄԱՃԵԱՆ՝ ՆԻՒ ՊՐԻԹԸՆԻ ՍՈՒՐԲ ՍՏԵՓԱՆՈՍ ԵԿԵՂԵՑՒՈՅ ՆՈՐ ՀՈՎԻՒ

Աղքատ… Մեծահարուստը, Կամ Վիթխարի ՄԵԾը՝ «Փեփէ» Մուխիքա

Ցեղասպանութեան Ընկերներ. Գերմանիան Ողջակիզումէն Ոչի՞նչ Սորված է