ԱՐԱՄ Ա. ԿԱԹՈՂԻԿՈՍ ԲԵՐՁՈՐԻ ՄԻՋԱՆՑՔԻ ԳԾՈՎ ԴԻՄԵՑ ՍԷՈՒՏԱԿԱՆ ԱՐԱԲԻՈՅ ՄԻՋԱՄՏՈՒԹԵԱՆ

0 0
Read Time:56 Second

Երեքշաբթի, Դեկտեմբեր 20-ին, Ն.Ս.Օ.Տ.Տ. Արամ Ա. Վեհափառ Հայրապետին այցելեց Լիբանանի մօտ Սէուտական Արաբիոյ դեսպան Ուալիտ Պըն Ապտալլա Պուխարին։

Վեհափառ Հայրապետը դեսպանին ուշադրութեան յանձնեց Ատրպէյճանի կողմէ Բերձորի (Լաչին) միջանցքին փակումը եւ անոր ծանր հետեւանքները Արցախի ժողովուրդին վրայ եւ խնդրեց Սէուտական Արաբիոյ միջամտութիւնը։

Յայտնենք, որ Վեհափառ Հայրապետը նախապէս  միջ-եկեղեցական, միջ-կրօնական ու միջազգային կազմակերպութիւններուն կոչ ուղղած էր միջամտելու միջանցքի վերաբացումը երաշխաւորելու գծով։ Եկեղեցիներու Համաշխարհային Խորհուրդը (Ե.Հ.Խ.), Եւրոպայի Եկեղեցիներու Խորհուրդը (Ե.Ե.Խ.) եւ Միջին Արեւելքի Եկեղեցիներու Խորհուրդը (Մ.Ա.Ե.Խ.) զանազան կերպերով ու հրապարակային յայտարարութիւններով դատապարտեցին Ատրպէյճանի բարբարոսային արարքները՝ իբրեւ խախտում միջազգային օրէնքին եւ պահապնջեցին Լաչինի միջանցքին անյապաղ վերաբացումը։ Նորին Սրբութիւն Փրանկիսկոս Պապը անցեալ Կիրակի օրուան պատգամին մէջ իր խոր մտահոգութիւնը յայտնեց Արցախի մէջ տիրող կացութեան նկատմամբ եւ կոչ ուղղեց խաղաղ լուծում գտնելու՝ յանուն մարդոց բարօրութեան:

Նոյն օրը երեկոյեան, Արցախի հարցին շուրջ խորհդակցութիւն ունեցան երկու Վեհափառ Հայրապետները եւ ընդգծեցին զոյգ Նուիրապետական Աթոռներուն այդ ուղղութեամբ կատարուող աշխատանքները ներդաշնակելու կարեւորութիւնը։

Աւելի ուշ, Արցախի պետական նախարար Ռուբէն Վարդանեան հեռաձայնային հաղորդակցութիւն ունեցաւ Արամ Ա. Վեհափառ Հայրապետին հետ եւ պարզեց Արցախի ժողովուրդին հետզհետէ վատթարացող ընկերատնտեսական կացութիւնը եւ խնդրեց Հայրապետէն  միջանցքին վերաբացման գծով կատարուող աշխատանքներու շարունակումը։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published. Required fields are marked *

Social profiles