ԱՏՐՊԷՅՃԱՆ ԿԸ ԿԱՏԱՐԷ ՆԵՐԹԱՓԱՆՑՈՒՄԻ ՓՈՐՁԵՐ

0 0
Read Time:46 Second

army3

ՍՏԵՓԱՆԱԿԵՐՏ.- Արցախի Պաշտպանոթեան Բանակի կը տեղեկացնէ, թէ տարեշրջանի առաջին օրերէն իսկ, հայ-ատրպէյճանական զօրքերու շփման գիծի վրա, զինադադարը խախտուած է աւելի 900 հարիւր անգամ եւ արձանագրուած է աւելի քան 11 հազար կրակոց:
Հայկական զօրամասերը կացութեան տէրն են եւ անհրաժեշտութեան պարագային կը դիմեն պատասխան գործողութիւններու։ Այս դէպքերու լոյսին տակ, Յունուար 2էն 3ի գիշերը, պաշտպանութեան բանակի հարաւային եւ արեւելեան ուղղութիւններով, ազերի բանակը ձեռնարկեց հետախուզական երկու գործողութիւններ: Պաշտպանութեան բանակի ստորաբաժանումներու կողմէ ձեռնարկուած գործողութիւններու շնորհիւ՝ հակառակորդը կորուստներ կրելէ ետք, քաշուեցաւ իր դիրքերը: Ըստ հաւաստի աղբիւրներու` սպանոած եօթ զինեալներէն մէկը՝ Ատրպէյճանի բանակի 703րդ գունդի ենթասպայ Էլտար Մամետովն է:
Նախայարձակման գործողութեան ընթացքին, մահացած են պաշտպանութեան բանակի զինուորներ՝ Կարէն Գրիգորեանն ու Վարդան Մկրտչեան, եւ վիրաւորուած է Վոլոտիա Յարութիւնեանը:
Արցախի Պաշտպանութեան նախարարութիւնը տեղեկացուց, թէ միջադէպի մանրամասնութիւնները պարզելու համար կը կատարուի հետաքննութիւն: Իսկ նախագահ Բակօ Սահակեան նահատակ զինուորները պարգեւատրած է յետ մահու մետալներով: Շարքային զինուոր Վարդան Մկրտչեանը պարգեւատրած է «Արիութեան համար» մետալով, իսկ նոյն զօրամասի սպայ, գնդապետ Կարէն Գրիգորեանը՝ «Մարտական ծառայութեան» մետալով։

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles