0
0
ալ կը կրէ…
ՄԱՏՐԻՏ.- Տրամաբանական չէ որ երկիր մը հովանաւորէ մարզական կազմ մը: Դիւրիմացու-թենէ դուրս գալու համար, մարզական զանազան բնագաւառներէ ներս գործող, ազ-գային հաւաքականներու մասին չէ, այլ ակումբներու միջավայրէն ներս է որ տասն-եակ տարիէ ի վեր կը գործէ այս հովանաւորման գործելաձեւը: Ընդհանրապէս զա-նազան բնագաւառներու մէջ մասնագիտացած ընկերութիւններ, կը կատարեն այս գործը: Ըստ երեւոյթին Պաքուի ղեկավարներուն համար, այս հասկացողութիւնը տարբեր իմաստ ստացած է եւ այսպէս Ատրպէյճանէն մղոններ հեռու Մատրիտի մէջ, անոնք համաձայնութիւն մը կնքած են մայրաքաղաքի երկրորդ կազմին` Աթլե-թիքոյին հետ, որպէսզի իրենց շապիկին վրայ կրեն “Ատրպէյճան.- Կրակի երկիրը“ (Azerbaijan.- Land of Fire) լոզունքը:
Անցեալ Նոյեմբերի աւարտէն ի վեր կնքուած է այս համաձայնութիւնը, որ պիտի տեւէ մինչեւ 2014-ի աւարտը: Յատկապէս Մատ-րիտի մրցակից Ռէալի դէմ, խումբը պիտի կրէ Սերվանթէսի լեզուով Azerbaijan.- Tierra Del Fuego գրութիւնը: Բնականաբար Աթլեթիքոյի արժանթինցի մարզիչ Տիեկօ Սիմէոնէի եւ այլ արժանթինցի եւ չիլեցի մարզիկ-մարզիչներու մօտ, ակնթարթ մը շփոթ պիտի ստեղծուի, կարծելով թէ խնդրոյ առարկայ “այրող հող“ը Լատին Ամե-րիկայի ծայրագոյն հարաւային շրջան գտնուող եւ Արժանթինի ու Չիլէի պատկանող Թիեռա Տէլ Ֆուեկօն է, ուր կը գտնուի հանրածանօթ Ուսուուայա քաղաքը:
Այսպէս, Մեքսիքայի մէջ եւ այլուր …իր հօր արձանը զետեղելէ ետք, Իլհամ Ալիեւ եւ իր “փեթրոտոլարներ“ը, այս անգամ մուտք գործած են մարզական աշխարհ, հոն ալ աղաւաղելու: Վստահաբար, Պաքուի ղեկավարութիւնը, սպանական այլ կազմի մը` Պարսելոնայի կրած ոչ-կառավարական “Qatar Foundation“ հիմնարկի անունը շփոթած է նոյնինքն Քաթար երկրին հետ:
Յամենայնդէպս, այնքան մը մանրամասն համաձայնութիւն եւ գործակցութիւն գո-յացած է որ, Ատլետիքօ Մատրիտ պիտի այցելէ Պաքու եւ կատարէ ցուցադրական փորձ-մրցումներ եւ հաւաքներ:
Իսկ, երեւակայենք, երբ բախտն ու ճակատագիրը այնպէս մը բերեն, որ Եւրոպական մրցաշարքի մը գծով, Աթլեթիքօ Մատրիտ իր այդ տարազներով ժամանէ Երեւան…
