0
0
ՊԱՔՈՒ.- Կիրակի Ապրիլ 8-ին, Ատրպէյճանի մայրաքաղաք Պաքուի մէջ կատարուած ղոյղցէն ետք, Կուռ գետի վարարումներէն տուժած Ատրպէյճանի Սապիրապատ շրջանի բնակիչները Երեքշաբթի, Ապրիլ 10ին բողոքի հանրահաւաք մը կատարած են` պահանջելով անյապաղ ազատ արձակել “Կուռ“ հասարակական կազմակերպութեան համակարգող Օքթայ Կուլալիեւը, որ երկու օր առաջ ձերբակալուած էր “մանր խռովարարութեան“ յանցանքով:
Արդէն իսկ, Ապրիլ 2ին, Սապիրապատ շրջանի բնակիչները գործադիր իշխանութեան շէնքին առջեւ հաւաքուած էին եւ իշխանութենէն պահանջած էին անցեալ տարի հեղեղումներէն կրած իրենց վնասներուն համար կառավարութեան որոշած փոխհատուցումը, զոր մինչեւ այսօր չեն ստացած: Շրջանի գործադիր ղեկավար Նազիմ Իսմայիլով բնակիչներուն բողոքն ու դժգոհութիւնը լսելէ ետք, երեք օր ժամանակ խնդրած է իրադրութիւնը գնահատելու համար եւ խոստացած է լուծել խնդիրը, սակայն ցարդ ոչ մէկ քայլ առնուած է: Իսկ, իշխանութիւններու կարգադրութեամբ եւ շինծու մեղադրանքով, ոստիկաններ ձերբակալած են բնակչութեան պահանջները ներկայացուցած գործիչ Կիւլալիեւը. բան մը, որ աւելիով զայրացուցած է բնակչութիւնը:
Ըստ տեղական լրատուական գործակալութիւններուն` ցոյցի մասնակիցները փակած են շրջանի գլխաւոր ճամբան, որուն հետեւանքով, ոստիկանութեան եւ ցուցարարներու միջեւ բախում տեղի ունեցած է:
Պաքուի մէջ, Ապրիլ 8-ին կատարուած ցոյցերուն, մասնակցած են “Ժողովրդային Ճակատ“ի, “Ժողովուրդի Կուսակցութիւն“ եւ “Մուսավաթ“ի (“Հաւասարութիւն“) անդամներն ու համակիրները: Ւստ կառավարական աղբիւրներու,ղուղարարներու թիւը հազարէն աւելի եղած է, մինչդեռ ընդդիմադիր ճակատը կը հաստատէ թէ աւելի քան ութ հազար ցուցարարներ մասնակցած են այդ հաւաքին:
