Կիրակի, 30 Օգոստոսին, Ա.Մ.Ն. Արեւելեան Թեմի բարեջան Առաջնորդ՝ Գերշ. Տ. Անուշաւան Արքեպիսկոպոս Դանիէլեան, պատարագեց ու քարոզեց Նիակարա Ֆոլզի Սուրբ Յակոբ եկեղեցւոյ մէջ, առընթերակայութեամբ եկեղեցւոյ հոգեւոր հովիւ՝ Արժպ. Տ. Տարօն Ա. Քհն.. ։ Իր քարոզին մէջ, Առաջնորդ Սրբազան Հայրը գնահատեց գաղութի միասնական ոգին ընդհանրապէս եւ հոգաբարձութեան բացառիկ նախանձախնդրութիւնը, վառ պահելով համայնքի կեանքը։ Յաւարտ Սուրբ Պատարագի տեղի ունեցաւ Խաղողօրհնէք եւ ճաշկերոյթ։

Սրբազան Հայրը եւ Ազգային Վարչութեան ատենապետ՝ գնդ. Արամ Սարաֆեան, յատուկ հանդիպում ունեցան հոգաբարձութեան հետ, խորհրդակցելով համայնքը աշխուժացնելու գործնական քայլերու մասին։