ԱՄԵՐԻԿԱՅԻ ՀԱՅ ԱՒԵՏԱՐԱՆՉԱԿԱՆ ԸՆԿԵՐԱԿՑՈՒԹԵԱՆ ԵՒ ՀԱՅԿԱԶԵԱՆ ՀԱՄԱԼՍԱՐԱՆԻ ՃԱՇԿԵՐՈՅԹԸ

0 0
Read Time:1 Minute, 31 Second

p11 AMAAՆԻՒ ՃԸՐԶԻ.- Հովանաւորութեամբ Սերժ եւ Անիթա Պուչագճեան ամոլին, Փետրուար 7-ին ,Սիզընե ճաշարանի մէջ տեղի ունեցաւ Ամերիկայի Հայ Աւետարանչական Ընկերակցութեան եւ Հայկազեան համալսարանին կազմակերպած ճաշկերոյթը:

Հայկազեան համալսարանի հոգաբարձութեան անդամ Սերժ Պուչագճեան իր անկեղծ զգացումները արտայայտեց Հայկազեան համալսարանի 60-ամեակին կապակցութեամբ, ուրկէ ինք շրջանաւարտ եղած էր տարիներ առաջ: Պուչագճեան ընդգծեց, թէ հայկական ինքնութեան պահպանման կողքին, Հայկազեան համալսարանը իր ջամբած ուսումէն անդին, նաեւ մեծ ազդեցութիւն կþունենայ իր ուսանողներուն կեանքին մէջ` սորվեցնելով հանդուրժողականութիւն եւ սնուցանելով հասկացողութեան մշակոյթ մը գաղափարներու ազատ փոխանակման` տարբեր ազգերէ եւ դաւանանքներէ եկած ուսանողներուն միջեւ: Ան Հայկազեան համալսարանը անուանեց ,համալսարաններու ադամանդ մըե, մաղթելով, որ ան շարունակէ իր առաքելութիւնը:

Ամերիկայի Հայ Աւետարանչական Ընկերակցութեան նորընտիր գործադիր տնօրէն Զաւէն Խանճեան յայտնեց, թէ ուսումը միշտ եղած է Հայ Աւետարանական եկեղեցիին ներդրումի կորիզը` հայ ազգին, աւելցնելով, որ Հայ Աւետարանական եկեղեցին եղած է ռահվիրայ եւ ջատագով կիներու ուսման, ինչպէս նաեւ երաժշտութեան եւ ֆիզիքական դաստիարակութեան բնագաւառներու ներմուծման կրթական ծրագիրներու մէջ, բարձրացնելով մեր ժողովուրդին ուսման, զարգացման եւ մշակութային մակարդակը:

Այնուհետեւ ան Սերժ եւ Անիթա Պուչագճեան ամոլին յանձնեց յուշանուէր մը:

Հայկազեան համալսարանի նախագահ, Վեր. Դոկտ. Փոլ Հայտոսթեան իր շնորհակալութիւնը յայտնեց հիւրընկալ զոյգին եւ Ամերիկայի Հայ Աւետարանչական Ընկերակցութեան ու անոր Վարչական խորհուրդին` իրենց աջակցութեան համար: Ան նշեց, թէ 2015-ը կը զուգադիպի համալսարանի 60-ամեակին եւ շարք մը գործունէութիւններ եւ տօնակատարութիւններ կը ծրագրուին Պէյրութի, Տուպայի եւ Միացեալ Նահանգներու մէջ, աւելցնելով, որ ասոնց մէջէն ամէնէն նշանակալիցը այն է, որ հաստատութիւնը կոչուած է յայտնի դաստիարակ Արմենակ Հայկազեանի անունով, որ զոհը եղած է Հայոց Ցեղասպանութեան, եւ պատուելով զայն` մեծարած կ՛ըլլանք նաեւ անոր կողմէ մեզի հասած ժառանգութիւնը: Եզրափակելով իր խօսքը` ան հաստատեց, թէ համալսարանի գոյատեւման համար կարիքը կայ բոլորին շարունակական եւ առատաձեռն աջակցութեան, աւելի նշանակալից ձեւով, քան առաջ:

Ճոյս Փիլիպոսեան Սթայն` Հայկազեան համալսարանի ջատագովը տասնամեակներ շարունակ, իր ծնողներուն` Ստեփան եւ Սրբուհի Փիլիպոսեաններու հետքերուն հետեւելով, ուրախութեամբ արձագանգեց այս կոչին` իր շարունակական մարդասիրական ջանքերով օժանդակելու, որպէսզի Հայկազեան համալսարանը կարենայ շարունակել իր գերազանցութեան մակարդակը հաստատ պահել յառաջիկայ տարիներուն` իր ուսանողներուն համար:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles