ARTE կայանի Խեղաթիւրումը

ՓԱՐԻԶ․- Երկուշաբթի, Մարտ 24-ի երեկոյեան ֆրանսագերմանական ARTE կայանը իր «28 Վայրկեան» խորագրեալ հաղորդաշարին մէջ ներկայացուց հարաւային Կովկասի քարտէս մը, որմէ ամբողջովին անհետացած էր Հայաստանը եւ փոխարինուած՝  Ատրպէյճանով։

Այս խեղաթիւրումը, բողոքի մեծ ալիք յառաջացուց։ Բազմաթիւ հիմնարկներ եւ հաստատութիւններ բռնօրէն քննադատեցին պատահածը յայտնելով, թէ «Մինչ Էրտողան եւ Ալիեւ կ՛երազեն այդ մասին, ARTE-ն զանոնք արդէն կը կանխէ»։