Լրահոս
Շնորհահանդէս.- «Սիմոն Զաւարեանի Անտիպ Նամակները» Հատորի
Յունուար 30-ի երեկոյեան, կազմակերպութեամբ Հ.Յ.Դ. Լիբանանի Կեդրոնական կոմիտէին, «Ազդակ»-ի «Փիւնիկ» սրահին մէջ գրասէր հոծ բազմութեան մը ներկայութեան տեղի ունեցաւ պատմաբան Երուանդ Փամպուքեանի խմբագրած «Սիմոն Զաւարեանի անտիպ նամակները» հատորի շնորհահանդէսը:
Հատորը ներկայացուց Սալբի Քիւրքճեան-Թաշճեան: Խօսք առին Հ.Յ.Դ. Հայաստանի Գերագոյն մարմինի ներկայացուցիչ Իշխան Սաղաթէլեան, Հ.Յ.Դ. Բիւրոյի անդամ Յովսէփ Տէր Գէորգեան եւ հատորի խմբագիր Երուանդ Փամպուքեան:
Ձեռնարկի աւարտին տեղի ունեցաւ հատորներու մակագրում` խմբագիրին կողմէ:
