ԿԱԶՄԱԿԵՐՊՈՒԹԵԱՄԲ Ա.Մ.Ն. ԱՐԵՒԵԼԵԱՆ ՇՐՋԱՆԻ Հ.Օ.Մ.-Ի՝ ԵՐԻՏԱՍԱՐԴԱԿԱՆ ՀԱՄԱԳՈՒՄԱՐ ՆԻՒ ԵՈՐՔԻ ՄԷՋ

Read Time:7 Minute, 29 Second

Շաբաթ, Փետրուար 6, 2010-ին, Նիւ Եորք Համալսարանի Կրինուիչ Վիլէյճ գտնուող »Քիմըլ« Կեդրոնէն ներս, տեղի ունեցաւ Ա.Մ.Ն. Արեւելեան շրջանի Հ.Օ.Մ.-ի կազմակերպած Երիտասարդական Համագումարը, ծանօթ Youth Connect Program անունով: Հ.Օ.Մ.-ի կրթական այս ծրագիրը սկիզբ առած էր 1971 թուականին, Պոսթընի Համալսարանէն ներս: Տարիներու ընթացքին ընդարձակուած ու փոփոխութիւններ կրած է այս յայտագիրը:

Այս տարի, 62 դիմողներ ընդունուած են, մինչեւ իսկ հեռաւոր Ուիսքոնսինի շրջանէն: Համագումարը, մէկ օր տեւող կրթական յայտագիր մըն էր, որուն աւարտին զանազան հայկական կազմակերպութիւններու ներկայացուցիչներ զանազան յայտագիրներ փո-խանցեցին:

Ընկերուհի Սուզան Ազարեանը, Արեւելեան Ա.Մ.Ն.-ի Հ.Օ.Մ.-ի փոխ-ատենապետուհին, բացման խօսքը կատարեց եւ բացատրեց Հ.Օ.Մ.-ի Երիտասարդական Համագումարի նպատակը, յայտնելով թէ.- »Մեր երիտասարդները ապագայի մեր առաջնորդներն են: Այս օրուան ընթացքին, երիտասարդ հայեր մէկտեղ խմբելով առիթ կÿընծայենք, որ անոնք իրենց գաղափարները փոխանցեն եւ այդպէս իրարմէ օգտուին«:

Ընկերուհի Սիլվա Գույումճեան, Արեւելեան Ա.Մ.Ն.-ի Հ.Օ.Մ.-ի վարչական կազմին կողմէ ողջունեց երիտասարդներուն եւ իր շնորհակալական խօսքը ուղղեց Հ.Օ.Մ.-ի հիմնադիրներուն եւ բոլոր անոնց, որոնց աշխատանքներուն արդիւնք, հարիւր տարիներ գոյատեւող այս կազմակերպութիւնը դեռ աշխուժաբար կը շարունակէ իր աշխատանքը: Ան ըսաւ.- »Կանգնած ենք մեր երկրորդ հարիւրամեակի շեմին: Կրնանք հպարտանալ մեր յաջողութիւններով, եւ նոյնպէս նկատի առնել մեր դէմ հանդիսացող խոչընդոտները: Հ.Օ.Մ.-ը ծառայած է եւ միշտ ալ պիտի ծառայէ հայ ժողովուրդին հոգալով անոր կարիքներուն: Իր բանակ մը կամաւորները, ոչ թէ միայն նիւթական օժանդակութիւններով, այլեւ նաեւ իրենց ժամանակով, ճակտի քրտինքով եւ մարդասիրական աշխատանքներով կեանք տուած են Հ.Օ.Մ.-ին: Մենք յաջողութեամբ կը քաջալերենք հայ ժողովուրդին յառաջացումը: Շրջանային Վարչութիւնը կը փափաքի յայտնել իր խորին գնահատանքը մեր բարերարներուն եւ բոլոր անոնց որ մեզ զօրավիգ կանգնած են: Մեր խորին շնորհակալութիւնները անոնց նիւթական եւ բարոյական նպաստաւորումներուն«:

Յայտագիրը վարեց դոկտ. Ասպետ Գոչիկեանը (Պէնթլի Համալսարանի Համաշխարհային Ուսումնասիրութիւններու Բաժանմունք): Աշակերտները ուշադրութեամբ մտիկ ըրին դասախօսին եւ կարեւոր տեղեկութիւններ ստացան Հայաստանի պատմութեան մասին: Նոյնպէս իրենց մասնակցութիւնը բերին Այտա Էրպալը եւ »Զօհրապ« Հիմնարկի ներկայացուցիչ Թալին Պապայեանը: Կլոր-սեղան զրոյցի մը ընթացքին, այս երկուքը իրենց կրթական ուղիներուն մասին զեկուցեցին: Անգարայաբնակ Էրպալ պատմեց իր անցեալի փորձառութեան մասին: Ան քաջալերեց աշակերտներուն որ հետապնդեն իրենց ուսումը մարդկային, եւ մանաւանդ պատմութեան, ճիւղերէն ներս, ուր հայկական տեսակէտը կենսական է համաշխարհային պատմութիւնը ուսումնասիրելու ընթացքէն ներս:

Դոկտ. Սեպուհ Ասլանեան (Քորնել Համալսարան) նոյնպէս մեծ հետաքրքրութիւն ստեղծեց՝ իր ձեռք ձգած փորձառութիւններուն արդիւնք, սկսելով Պարսկաստանէն, մինչեւ Անգլիա, Մէքսիքա եւայլն:

Ան յատկապէս անդրադարձաւ Պարսկաստանի Ճուլֆա քաղաքի հայութեան մասին, յայտնելով թէ վաճառականներ գաղթելով առեւտուր կատարած ու հարստացած են:

Դասախօսութիւններու աւարտին, զանազան կազմակերպութիւններու ներկայացուցիչներ տարբեր ծրագիրներու մասին տեղեկութիւններ փոխանցեցին ներկայ աշակերտներուն: Անոնց կարգին էին »Դէպի Երկիր« Կազմա կերպութիւնը (Birthright Armenia), Հայ Կամաւորներու Միութիւնը, Հայ Դատի Յանձնախումբը, Հայկական Համագումարը, Հ.Ե.Դաշնակցութիւնը, Հ.Բ.Ը.Մ.-ը, եւ »Զօհրապ« Հիմնարկը:

Ֆիլ Նիկոն ներկայացուց Հ.Ե.Դաշնակցութիւնը եւ Հայ Դատի Յանձնախումբը, իր շնորհակալութիւնները յայտնեց Արեւելեան Ա.Մ.Ն.-ի Հ.Օ.Մ.-ին, յայտնելով.- »Կը փափաքիմ իմ շնորհակալութիւնս փոխանցել Հ.Օ.Մ.-ին, ներկայ դասախօսներուն, եւ պրն. Լոյտ Պըրմընին, իրենց աշխատանքներուն եւ այս սքանչելի ծրագրին համար: Երբեմն աւելի դիւրին է որոշ ձախողութիւնէ մը վերջ, ինչպիսին էր ամառուայ ծրագիրը, հիասթափուիլ: Սակայն իսկական նուիրումի արդիւնք է վերազինուիլն ու վերակազմակերպուիլը, եւ ես ուրախ եմ այդպիսի յաջողութեան մը ականատեսը ըլլալով: Յստակ է այս սենեակէն ներս մարդկանց ֆիզիքական մօտիկութենէն, թէ այս տարուայ մասնակիցներուն թիւը ակնկալուածէն շատ աւելի լաւ էր«:

Ապա, աշակերտներուն առիթ տրուեցաւ զրուցելու: Աւելի ուշ, մասնակցողները մօտակայ Նիւ Ճըրզիի »Սայաթ Նովա« ճաշարանէն ներս ճաշեցին եւ խրախճանք մը կատարեցին: Այդպիսով, կրթական եւ ընկերային ձեռնարկ մը իր աւարտին հասաւ: Նշենք թէ այս ձեռնարկը կատարուեցաւ պրն. Լոյտ Պըրմընի առատաձեռնութեամբ իր մօր, Ալիս Հայկազեան-Պըրմընի յիշատակին, ինչպէս նաեւ »Նորեան« Հիմնադրամին նուիրատուութեամբ: Հ.Օ.Մ.-ը շնորհակալ է անոնց նիւթական օժանդակութեան: Մեր երիտասարդութիւնը մեր ապագան է, եւ անոնց ջանքերը քաջալերելով, մեր ապագային օգնած կÿըլլաք: Վարչութիւնը իր շնորհակալութիւնը կը յայտնէ հետեւեալ անձերուն.-