Քոչարեան Դէմ Է Սահմանադրական Բարեփոխումներուն

0 0
Read Time:1 Minute, 3 Second

p3 Kocharian_

Հայաստանի երկրորդ նախագահ Ռոպերթ Քոչարեան մեծ սխալ որակեց գործող նախագահ Սերժ Սարգսեանի նախաձեռնած սահմանադրական փոփոխութիւնները` պնդելով, որ անոնց հետեւանքները ծայրայեղ վտանգաւոր են Հայաստանի ապագային համար: Իր ոչ պաշտօնական կայքին` 2rd.am-ին հրապարակած հարցազրոյցին մէջ Քոչարեան յայտնեց, որ ինք միանշանակ դէմ է փոփոխութիւններուն, աւելցնելով` «առաջարկուող նախագիծը քաղաքական մենաշնորհը կը դարձնէ սահմանադրական կանոն»:

«Նախագիծի 89-րդ յօդուածը կոչուած է ապահովել մէկ կուսակցութեան գերակայութիւնը խորհրդարանին մէջ, այն է` իշխանութեան մէջ», նշեց նախկին նախագահը: «Մեր իրողութիւններուն մէջ, անկախ իր վայելած ժողովրդականութենէն, այդ կ՛ըլլայ այն կուսակցութիւնը, որ կը տիրապետէ վարչական եւ նիւթական միջոցներուն: Իսկ հաշուի առնելով Հայաստանի մէջ ներկուսակցական ժողովրդավարութեան անգամ փոքր նշոյլի բացակայութիւնը, հովանաւորչական կառավարումը կը դառնայ անխուսափելի եւ յարատեւ չարիք, լճացման աղբիւր եւ արատաւոր համակարգի վերարտադրման գործիք: Հրապարակուած նախագիծը գերազանցեց իմ վատագոյն սպասումներս», յայտնեց Քոչարեան` զուգահեռներ գտնելով նախագիծին եւ Խորհրդային Միութեան սահմանադրութեան միջեւ, աւելցնելով թէ «Խորհրդային սահմանադրութիւնը լեցուն էր գեղեցիկ բառերով, սակայն Խորհրդային Միութեան Համայնավար կուսակցութեան ղեկավարող եւ ուղղորդող դերին մասին 6-րդ յօդուածը կ՛օրինականացնէր համայնավարներուն քաղաքական մենաշնորհը: Սահմանադրութեան նախագիծը իր մէջ էական վտանգներ կը պարունակէ, որ երկիրը գլորէ դէպի տէ ֆաքթօ միակուսակցական համակարգ, այսինքն եւ դէպի քաղաքական մենաշնորհ ու լճացում: Ես այդպիսի ապագայ իմ երկրիս չեմ ցանկար, այդ պատճառով ալ միանշանակ դէմ եմ այս փոփոխութիւններուն: Մեծ սխալ կը կատարուի, որուն հետեւանքները ծայրայեղ վտանգաւոր են Հայաստանի ապագային համար:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles