ՔԵՆՍԸՍԻ ԱԶԳԱՅԻՆ ՊԱՀԱԿԱԳՈՒՆԴԸ ԲԱՐԵՍԻՐԱԿԱՆ ԳՈՐԾԵՐ ԿԸ ԿԱՏԱՐԷ ՀԱՅԱՍՏԱՆԻ ՄԷՋ

0 0
Read Time:46 Second

p3 kansas  Քենսըսի Ազգային պահակագունդը Հայաստանի հետ իր գործակցութեան ծիրը ընդարձակած է` երկու մարդասիրական ու քաղաքացիական աջակցութեան այլ նախաձեռնութիւններով:

Քենսըսի Ազգային պահակագունդի, Միացեալ Նահանգներու դեսպանութեան Ռազմական համագործակցութեան գրասենեակի, Միացեալ Նահանգներու Միջազգային զարգացման գործակալութեան, պաշտպանութեան նախարարութեան, Միացեալ հայկական հիմնադրամի, կրթութեան եւ գիտութեան նախարարութեան եւ առողջապահութեան նախարարութեան գործակցութեան իբրեւ արդիւնք, այս մարդասիրական նախաձեռնութիւնները կեանքի կոչուած են: Դեսպանատան Ռազմական համագործակցութեան գրասենեակը հաղորդագրութեան մէջ յատուկ կերպով առանձնացուցած է “Զուարթնոց“ միջազգային օդակայանի եւ “Քաղաքացիական ավիացիայի վարչութեան“ ցուցաբերած օգնութիւնը:
Հայաստանի մէջ Միացեալ Նահանգներու դեսպանատան մամլոյ ծառայութենէն յայտնած են, որ Քենսըսի Ազգային պահակագունդի օդուժի ներկայացուցիչներու ջանքերով վերանորոգուած են Սիւնիքի մարզի Դարպաս համայնքի դպրոցն ու բժշկական կեդրոնը, եւ Օգոստոս 14-ին Հայաստանի մօտ Միացեալ Նահանգներու փոխ-դեսպան Քլարք Փրայսը` Սիւնիքի մարզպետ Վահէ Յակոբեանի եւ Դարպասի համայնքապետ Մայիս Միրզոյանի հետ ներկայ գտնուած է այս կառոյցներու բացման արարողութեան:
Նաեւ, Քենսըսի Ազգային պահակագունդի մէկ օդանաւով մարդասիրական նպատակով, Հայաստան հասած են Միացեալ հայկական հիմնադրամի դեղեր ու բժշկական պարագաներ, որոնց ընդհանուր արժէքը կը գերազանցէ չորս միլիոն տոլարը:

 

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles