«ՍՈԼԱՄԵՆԹԻ ՆԱԹՈՒՐԱԼԻ»…ՀԱՅԿԱԿԱՆ ՀԵՏՔԵՐՈՎ

0 0
Read Time:57 Second

concert1

Իւրայատուկ է Պրաթիսլավայի (Սլովաքիա) «Սոլամենթի Նաթուրալի» (Solamenti Naturali) նուագախումբը, որուն մասնագիտութիւնն է Արեւելեան Եւրոպայի 17-րդ եւ 18-րդ դարաշրջաններու դասական երաժշտութիւնը:
Պոսթընի դասական երաժշտութեան հիմնարկին (Boston Early Music Festival) կազմակերպութեամբ, ջութակահար Միլոշ Վալենթիի ղեկավարած այս նուագախումբը ելոյթ ունեցաւ Հոկտեմբեր 16-ին, Պոսթընի Քէյմպրիճ շրջանի First Church եկեղեցւոյ մէջ, ներկայացնելու համար ի յիշատակ գերմանացի երաժիշտ Եօրկ Ֆիլիփ Թելէմանի «Մուզիքա Կլոպուս» յայտագիրը: Թելէման, բազմիցս այցելած է Եւրոպայի կեդրոնական-արեւելեան շրջանը եւ տպաւորուած տեղւոյն երաժշտական կռոյթներէն, որոնք իրենց կարգին ազդուած են ցիկան երաժշտութենէն:
«Երեկոյ մը այս լարային կազմերուն հետ, բաւարար եղաւ որ երաժիշտի կեանքիս վրայ մեծ ազդեցութիւն ձգեն», կը յայտնէր Թելեման:
Եօթ երաժիշտներէ կազմուած, այս նուագախումբը ներկայացուց փունջ մը գործեր, որուն մէջ լեհական, հունգարական, սլովաքեան եւ չեխական մեղեդիներուն կողքին, նաեւ հնչեց հայկականը, յատկապէս երբ քանի մը անգամ հանդիսատեսը ունկնդրեց կարօտ սփռող տուտուկը:
Միլոշ Վալենթիի կողքին, «Սոլամենթի Նաթուրալի»ի անդամներն են ջութահակահարներ՝ Տակմար Վալենթովա եւ Փեթըր Վրպինչիք, թաւջութակահար Եուրա Քովաք, բամբ ջութակահար՝ Եան Քրիկովսքի, տաւղալարահար՝ Սոմա Տինիես եւ փողային գործիքներու մասնագէտ Եան Ռաքիթա: Այս վերջինն է, որ քանի մը անգամ տուտուկով ներկայացուց հայրենի եռանգներ:
Պոսթընի դասական երաժշտութեան հիմնարկը միշտ ալ նմանօրինակ ձեռնարկներ կը կազմակերպէ, ուր բազմիցս ներկայ են հայկական երաժշտութիւնն ու շարականները:

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Դատարաններ Ալ Տուրք Կու Տան Շիլ Հաշիւներու
Next post ԲԱՐԵՓՈԽՈՒՄՆԵՐՈՒ ՀԵՌԱՆԿԱՐԸ

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Your email address will not be published.

Social profiles